Malasi 1:3 - Labib An Kreol Seselwa

³ e mon'n ay Ezai. Mon'n devaste son rezyon montanny e fer landrwa kot son desandan ti reste, vin en landrwa devaste pour sakal, sa zannimo ki viv dan dezer.”

Malasi 1:3 ပူးပေါင်းရင်းမြစ်များ

Zenez 25:23

SENYER ti reponn li: I annan de nasyon dan ou vant, ou pou donn nesans de nasyon. Enn pou pli for ki lot, e sa enn ki pli gran pou servi sa enn ki pli pti.

Ezai 35:7

Disab so pou transform an en lak e later ki swaf pou vin en rezyon ranpli avek sours delo. La kot bann zannimo sovaz ti abitye reste, banbou ek zon pou pouse.

Zeremi 49:10

Me mwan, mon'n met Ezai touni. Mon'n dekouver son bann landrwa e i pa kapab al kasyet. Son bann frer ek son bann vwazen in ganny detri; napa personn ki reste.

Zeremi 49:20

Alor, ekout proze ki SENYER in fer kont bann zabitan Edonm, e bann plan ki i'n prepare kont bann zabitan lavil Temann. Menm bann zanfan pou ganny trennen deor, parey zannimo; e tou dimoun pou reste soke.

Zeremi 49:33

Hazor pour vin en dezer pou touzour, en plas kot zis bann sakal ki pou vin reste. Personn pa pour vin reste isi ankor, SENYER i deklare.

Zeremi 49:7

Konsernan Edonm, la sa ki SENYER liniver i deklare: Eski nepli annan dimoun saz dan Temann? Eski nepli annan okenn konseye parmi bann zonm pridan? Eski tou zot lasazes in koronpi?

Zeremi 49:8

Zabitan Dedann! Sove! Retournen! Al kasyet dan bann kavern. Mon pe anvoy katastrof Ezai lo li, akoz letan in arive pour mwan pini zot.

Zeremi 51:37

Mon pou fer Babilonn vin en ta ros, kot zannimo sovaz ki pou viv; en landrwa devaste ki pou fer per, En landrwa kot personn pa pou reste.

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Lamantasyon 4:22

Zerizalenm in pey pour son pese; SENYER pa pou gard zot annegzil. Me SENYER pou pini bann zabitan Edonm; i ava ekspoz zot pese.

Ezekyel 36:7

Pour sa rezon, la sa ki Senyer BONDYE i deklare: Mon fer serman avek lanmen leve: Sa bann nasyon otour ou pou sibir konfizyon par zot bann prop ensilt.

Ezekyel 36:9

Mon la lo zot kote, mon pou tourn ver zot! Mon pou fer sir ki zot later pou ganny kiltive e legren pou ganny senmen dan zot later.

Zoel 3:19

Lezip pou ganny detri; Edonm pou vin en dezer, akoz vyolans ki zot ti fer anver bann zabitan Zida. Zot in fer koule disan bann inosan dan sa pei.

Abdyas 1:10

Akoz ou depouy e touy ou frer Zakob, ou pou ganny kouver avek laont e ou pou ganny detri pour touzour.

Levanzil dapre Lik 14:26

“Sa enn ki vin kot mwan, i devre prefer mwan plis ki son papa, son manman, son fanm ek son zanfan, son frer ek son ser, e menm son prop lavi. Otreman i pa kapab vin mon disip.