Levitik 8:11 - Labib An Kreol Seselwa

¹¹ Avek en pe sa delwil, i ti fer laspersyon set fwa lo lotel ki i ti konsakre avek tou son bann akseswar, basen ek son sipor.

Levitik 8:11 ပူးပေါင်းရင်းမြစ်များ

Egzod 16:14

Lannmen bomaten ti annan en kous laroze otour kan. Ler sa kous laroze ti'n sek, dezer ti kouver avek en sibstans anfarin, parey biskwi.

Egzod 16:19

Moiz ti dir zot, “Fodre pa ki personn i gard lamann ziska bomaten.”

Egzod 29:36

Tou le zour, ou ava ofer en toro koman en sakrifis pour pardon pese. Ou ava osi ofer en sakrifis pour pirifye lotel pour pardon pese. Apre, ou ava konsakre lotel.

Egzod 29:37

Pandan set zour, ou ava ofer sakrifis lo lotel, pour demann pardon pese. Ou ava konsakre lotel ki ava vin tre sakre e tou sa ki tous lotel ava vin sakre.

Egzod 30:29

Ou ava konsakre tou sa bann lobze; zot ava vin tre sakre. Tou sa ki tous avek sa bann lobze pou vin sakre.

Egzod 4:17

Pran sa baton dan ou lanmen. Se avek sa, ki ou pou fer sa bann siny.”

Egzod 4:6

SENYER ti azoute, “Met ou lanmen dan ou lenz.” Moiz ti met son lanmen dan son lenz, e ler i ti tir son lanmen dan son lenz, son lanmen ti kouver avek en maladi parey lalep; i ti blan parey lannez.

Ezai 52:15

Bokou nasyon pou reste etonnen; bann lerwa pou ferm zot labous devan li akoz zot pou war sa ki pa ti'n anonse, zot ava konpran sa ki zot pa ti'n zanmen tande.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Levitik 14:16

I ava tranp son ledwa drwat dan delwil ki dan son lanmen gos, e fer laspersyon set fwa devan SENYER.

Levitik 4:17

I ava tranp son ledwa dan sa disan e fer laspersyon set fwa devan SENYER, anfas avek rido.

Levitik 4:6

I ava tranp son ledwa dan disan e fer laspersyon set fwa devan SENYER, devan rido sanktyer.

Let Pol pour bann Tit 3:6

Annefe, Bondye in devers son Lespri Sen annabondans lo nou, par Zezi-Kri nou Sover.