Levitik 5:10 - Labib An Kreol Seselwa

¹⁰ I ava ofer dezyenm zwazo koman en sakrifis konplet dapre regle-man. Pret ava fer rityel pour sakrifis pardon son pese ki i'n komet, e i ava ganny pardonnen.

Levitik 5:10 ပူးပေါင်းရင်းမြစ်များ

Levitik 4:20

I ava fer egzakteman parey i ti fer pour toro ki ti ganny ofer pour sakrifis pardon pese. Pret ava fer rityel pardon pese pour zot e zot ava ganny pardonnen.

Levitik 4:26

I ava bril tou son lagres lo lotel, parey i fer pour lagres sakrifis lape. Pret ava ofer sakrifis pour pardon son pese e i ava ganny pardonnen.

Levitik 4:31

I ava retir tou son lagres, parey i fer pour zannimo sakrifis lape. Pret ava bril li lo lotel pour donn en loder ki fer plezir SENYER. Konmsa, ki pret ava ofer sa sakrifis pour pardon pese sa senp sitwayen e i ava ganny pardonnen.

Levitik 4:35

I ava retir tou lagres, parey i tir lagres mouton dan sakrifis lape. Pret ava bril li lo lotel, avek lezot sakrifis brile pour SENYER. I ava ofer sa sakrifis pour li ganny pardon pese ki i'n komet, e i ava ganny pardonnen.

Levitik 5:13

Alor, pret ava fer rityel pardon pese sa zonm, pour nenport pese ki i'n komet, e i ava ganny pardonnen. Sa ki reste, ava vin par sa pret, parey dan ka en lofrann vezetal.

Levitik 5:16

I devre donn konpansasyon pour sa domaz kont sanktyer, an azoutan en senkyenm parti son valer e donn avek sa pret ki ava fer rityel pardon son pese avek sa mouton, e sa dimoun ava ganny pardonnen.

Levitik 5:6

An reparasyon pour sa pese ki i'n komet, i ava anmenn en femel mouton oubyen en kabri ki i'n pran parmi son troupo, koman sakrifis devan SENYER pour pardon son pese. Pret ava fer rityel pardon pour son pese.

Romen 5:11

Sa pa tou: Nou fyer dan Bondye akoz nou Senyer Zezi-Kri, ki'n rekonsilye nou avek Bondye.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Let Zak 5:15

Lapriyer fer avek lafwa, ava sov sa malad, e Senyer ava donn li lasante. Si i'n komet okenn pese, i ava ganny pardonnen.

1 Zan 2:2

I'n ofer li menm, koman sakrifis pour nou ganny pardon nou pese. Pa zis pour nou, me osi pour pese lemonn antye.