Levitik 5:1 - Labib An Kreol Seselwa

¹ Kan en dimoun i ganny apele koman temwen lo keksoz ki i'n war, oubyen ki i deza konnen, me i refize dir sa ki i'n tande oubyen war, i komet en pese. I ava responsab pour son fot.

Levitik 5:1 ပူးပေါင်းရင်းမြစ်များ

1 Rwa 22:16

Me lerwa ti dir li, “Konbyen fwa mon pou bezwen fer ou fer serman pour dir mwan zis laverite devan SENYER?”

1 Rwa 8:31

Si en dimoun i komet en fot kont son prosen e ki i ganny demande pour fer en serman devan lotel dan sa lakaz,

2 Kronik 18:15

Me Akab ti dir, “Mon touzour demann ou pour dir mwan zis laverite sorti kot SENYER, konbyen fwa fodre mon dir ou?”

Psonm 38:4

Mon bann fot in kouver mwan; zot in vin en fardo tro lour pour mwan.

Egzod 22:11

sa zafer ant sa de parti ava ganny deside par en serman devan SENYER. Sa zonm ava deklare ki i pa'n vole. Propriyeter sa zannimo ava aksepte sa serman e lot pa pou annan okenn konpansasyon pour peye.

Proverb 29:24

Sa enn ki konplis dan en vol, i deteste son prop lavi. I antann malediksyon son viktim, me i pa dir nanryen.

Proverb 30:9

Annefe, si mon vin tro ris, mon riske trai ou e dir: Lekel li SENYER? E si mon vin tro pov, mon kapab vin en voler. Alor, mon pou nepli annan respe pour non Bondye.

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Zeremi 23:10

Sa pei i ranpli avek dimoun ki komet adilter. Akoz malediksyon Bondye, pei i an dey, e zerb i konpletman sek. Zot taye pour fer sa ki mal e zot servi zot kouraz pou fer sa ki devret.

Ezekyel 18:20

Sa enn ki'n fer pese, se li menm ki pou mor. En garson pa pou ganny pini akoz fot son papa, ni en papa akoz fot son garson. En dimoun ki azir byen pou ganny rekonpanse pour azir dapre lazistis; sa enn ki move pou ganny pini pour tou bann mal ki i'n fer.

Ezekyel 18:4

Annefe, lavi sak dimoun i pour mwan; lavi bann paran koman lavi bann zanfan. Sa enn ki'n fer pese, se li menm ki pou mor.

Levitik 17:16

Si i pa lav ni son lenz ni son lekor, i ava koupab pour son fot.

Levitik 19:8

Sa enn ki manz sa, ava pe profann keksoz ki'n konsakre pour mwan. I ava koupab akoz in komet en fot. I ava ganny ekskli parmi lepep.

Levitik 20:17

Si en zonm i marye avek son ser, fiy son papa oubyen fiy son manman, e ki zot war touni kanmarad, sa i en aksyon ki fer onte. Zot devre ganny sase parmi lepep; i'n dormi avek son ser e i merit ganny pini.

Levitik 4:2

Dir avek pep Izrael: Si enkonsyanman, en dimoun i fer pese kont enn sa bann komannman SENYER,

Levitik 5:15

Si, enkonsyanman, en dimoun i komet en fot grav, an gardan sa ki'n konsakre pour SENYER, la sa ki i devre fer: I ava anmenn devan SENYER, koman sakrifis reparasyon, en mouton mal, san defo, sorti dan son troupo. Son valer pou ganny estimen an pyes larzan, dapre valer ki an viger dan sanktyer.

Levitik 5:17

Sa enn ki fer pese kont enn sa bann komannman SENYER, menm si i fer li enkonsyanman, i koupab e i ava responsab pour son fot.

Levitik 7:18

Si en dimoun i manz lavyann son sakrifis lape son trwazyenm zour, sa sakrifis pa pou konte, e sa dimoun pa pou ganny aksepte. I pa akseptab, e sa enn ki'n manz sa, ava responsab son fot.

Nonm 9:13

Me sa zonm ki pir, ki pa pe vwayaze e ki pa selebre Pak, i bezwen ganny tire parmi son pep, akoz i pa'n ofer SENYER son lofrann ler ti fodre. Sa zonm ava anmenn konsekans son pese.

Matye 26:63

Me Zezi ti gard silans. Alor, Gran-Pret ti dir li, “Lo non Bondye vivan, mon demann ou, dir nou si ou menm Mesi, Garson Bondye.”

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.

Ziz 17:2

I ti dir son manman, “Ler en dimoun ti vol ou sa 1,100 pyes larzan, ou ti modi li devan mwan; mwan ki ti pran sa larzan.” Alor, son manman ti dir, “SENYER ava beni ou, mon garson!”