Levitik 26:5 - Labib An Kreol Seselwa

⁵ Zot ava bat dible ziska letan rekolt rezen. Zot ava rekolte rezen ziska letan pour senm legren i ariv ankor. Zot ava manz zot dipen ziska zot ava rasazye. Zot ava viv an sekirite dan zot pei.

Levitik 26:5 ပူးပေါင်းရင်းမြစ်များ

Psonm 144:13

Nou bann grennyen i plen avek tou kalite prodwi; nou bann troupo mouton i ogmant en kantite, par dizenn milye dan nou bann laplenn.

Psonm 90:1

SENYER! Depi touzour, ou nou labri.

Egzod 16:8

Moiz ti dir, “SENYER pou donn zot lavyann pour manze tanto e demen bomaten i pou donn zot dipen, akoz i'n antann zot mirmire kont li. Pa kont nou ki zot pe konplent e mirmire, me kont SENYER.”

Proverb 1:33

Me sa enn ki ekout mwan, pou viv an sekirite, dan trankilite, san ki maler i fer li per.

Proverb 18:10

Non SENYER i en tour solid; i en proteksyon pour sa enn ki zis.

Ezai 1:19

Si zot aksepte obeir mwan, zot ava manz bann pli bon prodwi dan sa pei.

Ezai 30:23

Alor, i ava fer lapli tonbe lo bann lagrenn ki ou'n senmen e dible ki later ava prodwi ava dan labondans e bon kalite. Sa zour, troupo pou al manz zerb dan bann gran laplenn.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Oze 2:18

Alor, sa zour mon pou fer en lalyans avek tou bann zannimo sovaz, bann zwazo dan lezer, e avek tou bann pti bebet lo later. Mon pou detri tou bann fles, lepe ek tou zarm lager. Mon pou fer zot disparet dan pei e permet bann zabitan dormi an sekirite.

Oze 2:20

Mon pou reganny ou par mon fidelite e ou ava konn SENYER.

Zoel 2:19

SENYER ti reponn son pep: Mon pou donn zot dible, diven ek delwil ziska ki zot rasazye. Mon pa pou les zot vin en laont ankor, parmi bann nasyon.

Zoel 2:22

Zannimo sovaz dan lakanpanny! Pa bezwen per, zerb pe repouse lo montanny! Pye dibwa pe raport zot fri; pye fig ek pye rezen pe donn zot fri annabondans.

Zoel 2:26

Zot pou manze ziska zot ava rasazye; zot ava loue SENYER, zot Bondye ki'n fer bann mervey pour zot. Mon pep pa pou zanmen ganny laont ankor.

Amos 9:13

La sa ki SENYER i deklare: Sa bann zour pe vini kan, osito apre ki ou'n plante, dible pou ganny rekolte, e rekolt rezen pou swiv zis apre rekolt dible. Alor, diven nouvo pou koule lo montanny e i ava desann dan kolin.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

Akt de Zapot 14:17

Me kantmenm sa, i'n touzour revel son bonte. I'n donn zot son lapli sorti dan lesyel, ek bann rekolt, sakenn dan son sezon. I'n donn zot osi manze e i'n ranpli zot leker avek lazwa.”

Deterononm 11:15

Mon pou fer pouse zerb dan laplenn pour ou bann troupo; ou ava manze ziska ou ava rasazye.

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

1 Pyer 1:5

Sa bann byen i pour zot, ki, par lafwa, in ganny garde par pwisans Bondye, ziska ki delivrans i arive, pare pour ganny revele dan lafen letan.