Levitik 26:40 - Labib An Kreol Seselwa

⁴⁰ Me si zot rekonnet zot pese e pese zot zanset, e avoue ki zot in komet en sakrilez kont mwan, e ki zot in kontinyen opoz mwan,

Levitik 26:40 ပူးပေါင်းရင်းမြစ်များ

1 Rwa 8:47

si zot sanz zot leker la, dan sa pei kot zot in ganny anmennen, si zot repanti e si zot enplor ou e dir: Nou'n fer pese, nou'n fer sa ki mal;

1 Rwa 8:48

si zot repanti avek tou zot leker; si depi la, dan pei zot lennmi, zot priye dan direksyon pei ki ou'n donn zot zanset, ver lavil ki ou'n swazir e ver sa lakaz ki mon'n konstri pour ou loner,

Esdras 10:11

Aprezan, rekonnet zot fot devan SENYER, Bondye zot zanset, e fer son volonte. Separ zot avek pep sa pei e avek bann fanm etranze”.

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Esdras 9:6

Mon ti dir li: Mon Bondye! Mon kanmi e mon onte pour lev mon lizye ver ou, mon Bondye; nou bann fot in ogmante lo nou latet, e nou tor in akimile ziska dan lesyel.

Psonm 32:5

Me, mon'n avoue mon pese avek ou; mon pa'n kasyet mon fot. Mon ti dir: Mon pou konfes mon pese avek SENYER. Alor, ou ti pardonn mwan mon pese.

Proverb 28:13

Sa enn ki kasyet son bann fot pa pou prospere. Me sa enn ki avoue son fot e renonse, pour ganny pardonnen.

Zeremi 14:20

SENYER! Nou konnen e nou rekonnet ki nou ek nou bann zanset, nou'n mal azir kont ou.

Lamantasyon 1:20

SENYER! Gete dan ki maler mon ete; gete koman mon boulverse; mon leker i fer mal akoz mon'n revolte kont ou. Deor, dimoun pe ganny masakre. Dan lakaz, ou war zis lanmor.

Ezekyel 14:23

Ou ava ganny konsole, kan ou ava war zot konportman. Alor, ou ava konpran ki mon ti annan rezon azir dan sa fason kont li. Senyer BONDYE ki deklare.

Ezekyel 36:31

Alor, zot ava rapel zot bann move lavi ek zot bann aksyon ki fer onte. Zot pou kanmi pour zot bann fot ek bann aksyon degoutan ki zot in komet.

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Levitik 26:21

Si zot kontinyen reziste kont mwan e refize ekout mwan, mon pou ogmant zot pinisyon set fwa plis ankor pour zot pese.

Levitik 26:24

mwan osi, mon pou reste kont zot. Mon pou pini zot set fwa plis pour zot bann pese.

Levitik 5:5

Ler i realize ki i koupab pour komet en tel fot, i devre rekonnet sa pese ki i'n komet.

Nonm 5:7

I devre konfes sa pese e repar domaz an azoutan en senkyenm son valer e donn sa dimoun ki i'n fer ditor.

Zozye 22:15

Zot ti al dan pei bann Ribenit, bann Gadit, ek demi tribi Manase dan pei Galaad. La sa ki zot ti dir,

Zozye 7:19

Alor Zozye ti dir Akan, “Mon garson! Rann glwar SENYER Bondye Izrael e rekonnet ou fot devan li. Dir mwan ki ou'n fer, pa kasyet nanryen avek mwan.”