Levitik 23:3 - Labib An Kreol Seselwa

³ Zot ava travay pandan sis zour. Me setyenm zour i saba, en zour repo konplet, en rasanbleman sakre. Zot pa pou travay sa zour; i en saba an loner SENYER partou kot zot ava pe reste.

Levitik 23:3 ပူးပေါင်းရင်းမြစ်များ

Egzod 16:23

ki ti dir zot, “SENYER in donn lord: Demen i saba, en zour repo konsakre pour SENYER. Zot ava kwi sa ki fodre kwi e bwi sa ki fodre bwi. Tou sa ki reste, gard li pour lannmen bomaten.”

Egzod 16:29

Gete! SENYER in donn zot saba; sizyenm zour in donn zot dekwa manze pour de zour. Setyenm zour, sakenn ava reste se li; personn pa devre sorti.”

Egzod 16:30

Alor lepep ti repoze setyenm zour.

Egzod 23:12

Pandan sis zour ou ava fer ou travay. Me setyenm zour, ou devre repoze pour ki ou bef ek ou bourik i kapab repoze e ki zanfan ou bann lesklav ek bann etranze parmi zot ava kapab repoze.

Egzod 34:21

Pandan sis zour ou ava travay, me setyenm zour, ou ava repoze. Ou ava fer saba menm pandan letan ki ou labour later e pandan larekolt.

Ezai 56:2

Sa enn ki fer sa, ki pa mars akote, ki obzerv saba e pa dezonor li e ki evite fer sa ki mal; i en dimoun ki ere.

Ezai 56:6

Bann etranze ki'n atas zot avek SENYER, ki onor li, ki kontan non SENYER, ki vin son serviter, zot tou ki obzerv saba e pa dezonor li, ki gard fidelman mon lalyans,

Ezai 58:13

Si ou vey ou lepa pandan saba; si ou pa okip ou prop zafer dan mon zour sakre; si ou fer saba ou plezir e ou respekte sa zour sakre SENYER; si ou onor sa zour e pa fer ou prop volonte, ni fer ou prop zafer, e evit fer bann konversasyon initil,

Levitik 19:3

Sakenn zot ava annan respe pour son manman ek son papa e zot ava obzerv mon bann saba. Mwan menm SENYER, zot Bondye.

Levanzil dapre Lik 13:14

Me sef sinagog ti ankoler akoz Zezi ti'n geri en malad zour saba. I ti dir avek lafoul, “I annan sis zour pour travay. Vin rod gerizon pandan sa bann zour, me pa zour saba.”

Levanzil dapre Lik 23:56

Alor, zot ti retourn se zot e zot ti prepar bann aromat ek parfen. Zour saba, zot ti repoze, parey lalwa i ordonnen.

Akt de Zapot 15:21

Annefe, depi tre lontan, Lalwa Moiz i ganny ansennyen dan sak lavil e lir dan bann sinagog zour saba.”

Revelasyon 1:10

Zour Senyer, mon ti ganny sezi par Lespri. Mon ti antann en lavwa for deryer mwan parey son en tronpet,