Levitik 17:6 - Labib An Kreol Seselwa

⁶ Alor, avek sa disan, pret ava asperz lotel SENYER devan lantre Latant Rankont, e bril tou lagres ki anvoy en loder ki fer plezir SENYER.

Levitik 17:6 ပူးပေါင်းရင်းမြစ်များ

Egzod 29:13

Ou ava pran tou lagres ki kouver trip sa zannimo, son lefwa ek son de ronnyon avek lagres ki lo la e ou ava brile lo lotel.

Egzod 29:18

Ou ava bril sa mouton antye lo lotel. Sa i en sakrifis konplet pour SENYER, en lofrann ki donn en loder ki fer plezir SENYER.

Ezekyel 44:15

Bann pret-levit, bann desandan Sadok ki'n reste dan servis tanp ler pep Izrael ti abandonn mwan, se zot ki pou apros mwan e servi mwan. Zot ava debout dan mon prezans pour ofer mwan lagres ek disan. Senyer BONDYE ki'n deklare.

Levitik 17:5

Konmsa, pep Izrael ava oblize aret touy zot zannimo dan lakanpanny, me zot ava anmenn kot pret devan lantre Latant Rankont pour ofer SENYER koman en sakrifis lape.

Levitik 3:11

En pret ava bril sa bann morso lo lotel. Sa i ava en nouritir, brile pour SENYER.

Levitik 3:13

I ava poz son lanmen lo latet sa zannimo, egorz li devan Latant Rankont, e bann garson Aaron ava asperz disan otour lotel.

Levitik 3:16

En pret ava bril sa bann morso lo lotel koman en lofrann brile par dife, ki anvoy en loder ki fer plezir. Tou lagres i ganny rezerve pour SENYER.

Levitik 3:2

I ava poz son lanmen lo latet sa zannimo e i ava egorz li devan Latant Rankont. Bann pret, bann garson Aaron, ava asperz disan otour lotel.

Levitik 3:5

Bann garson Aaron ava bril sa bann morso lo lotel ansanm avek sakrifis konplet ki'n ganny plase lo dibwa ki pe brile. Sa i ava en sakrifis brile par dife ki anvoy en loder ki fer plezir SENYER.

Levitik 3:8

I ava poz son lanmen lo latet sa zannimo; i ava egorz li devan lantre Latant Rankont, e bann garson Aaron ava asperz son disan otour lotel.

Levitik 4:31

I ava retir tou son lagres, parey i fer pour zannimo sakrifis lape. Pret ava bril li lo lotel pour donn en loder ki fer plezir SENYER. Konmsa, ki pret ava ofer sa sakrifis pour pardon pese sa senp sitwayen e i ava ganny pardonnen.

Nonm 18:17

Me ou pa pou kapab aste premye porte en bef, en mouton oubyen en kabri, akoz zot sakre. Ou ava vers zot disan lo lotel, bril zot lagres e bril zot karkas koman en sakrifis lo lotel; i pou en loder ki fer plezir SENYER.