Levitik 12:6 - Labib An Kreol Seselwa

⁶ Kan son letan pirifikasyon ava'n fini, pour en garson oubyen en fiy, sa fanm ava anmenn en zenn mouton aze enn an devan lantre Latant Rankont kot pret pour ofer en sakrifis konplet, avek en pizon oubyen en tourtrel pour sakrifis pardon pese.

Levitik 12:6 ပူးပေါင်းရင်းမြစ်များ

Zenez 15:9

SENYER ti dir li, “Anmenn en zenis 3 an, en femel kabri 3 an, en mouton mal 3 an, en tourtrel ek en zenn pizon.”

Levitik 12:2

Dir avek pep Izrael: Ler en fanm ansent i ganny en garson, i ava enpir pandan set zour; i ava enpir parey dan letan son reg.

Levitik 12:5

Si sa fanm i ganny en fiy, i pou enpir pandan de semenn, parey ler i ganny son reg; letan pirifikasyon son disan ava dire pandan 66 zour.

Levitik 12:7

Pret ava ofer SENYER sa bann sakrifis e fer rityel pour pardon lo sa fanm ki ava ganny pirifye avek son pert disan. Sa i ava lalwa konsernan bann fanm ki ganny zanfan, ki swa en garson oubyen en fiy.

Levitik 14:22

I ava osi pran de tourtrel ek de pizon, dapre son mwayen; enn pour sakrifis pardon pese, lot pour sakrifis konplet.

Levitik 15:14

Wityenm zour, i ava pran de tourtrel oubyen de pizon, e anmenn kot pret devan lantre Latant Rankont.

Levitik 15:29

Wityenm zour, i ava pran de tourtrel oubyen de pizon e anmenn kot pret devan lantre Latant Rankont.

Nonm 6:10

Lo wityenm zour, i ava anmenn kot pret devan Latant Rankont SENYER, de tourtrel ouswa de zenn pizon.

Levanzil dapre Lik 2:22

Kan zour ti'n arive pour zot ganny pirifye dapre Lalwa Moiz, Mari ek Zozef ti anmenn Zezi Zerizalenm e prezant li devan Senyer.

Levanzil dapre Zan 1:29

Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.