Levitik 10:14 - Labib An Kreol Seselwa

¹⁴ Konsernan porsyon pwatrin ek kwis dan rityel prezantasyon devan SENYER ki ti ganny ofer, ou ava manz li dan en landrwa sen, ansanm avek ou bann garson ek ou bann fiy. Sa i ou par e par ou bann garson dan sakrifis lape pour pep Izrael.

Levitik 10:14 ပူးပေါင်းရင်းမြစ်များ

Egzod 29:33

Alor, zot ava manz sa lavyann ki'n ganny servi dan bann seremoni pour pardon pese, zour zot konsekrasyon. Personn pa pou ganny drwa manz sa lavyann, akoz i sakre.

Ezekyel 42:13

Sa zonm ti dir mwan: Bann lasal ki vir lo kote Nor e lo kote Sid i bann lasal sakre, kot bann pret ti prezant devan SENYER, pour manz bann lofrann tre sakre. La kot zot met bann lofrann tre sen: Bann lofrann vezetal ek zannimo ofer pour diferan sakrifis pour pardon pese, akoz sa landrwa i sen.

Levitik 10:13

Fodre manz sa lavyann dan en landrwa sen. Sa i ou par e par ou bann garson sorti dan lofrann brile pour SENYER, dapre lord ki mon ti gannyen.

Levitik 22:13

Me fiy en pret ki'n vin vev, oubyen ki'n divorse, ki san zanfan e ki'n retourn kot son papa parey letan son zenes, ava kapab manz nouritir son papa. Okenn dimoun ordiner pa pou kapab manze.

Levitik 9:21

Aaron ti ofer SENYER bann morso pwatrin ek porsyon kwis drwat ki i ti prezant devan SENYER, parey Moiz ti'n ordonnen.

Nonm 18:11

La ankor sa ki mon donn ou: Tou lofrann spesyal ki ganny ofer par lepep i pour ou, pour ou bann garson e ou bann fiy pour touzour. Tou manm ou fanmir, ou bann garson ek fiy ki pir ava kapab manze.

Nonm 5:9

Tou bann lofrann ek bann keksoz sen ki kominote Izrael i anmenn kot pret i pour li.

Levanzil dapre Zan 4:34

Zezi ti dir zot, “Mon nouritir se pour fer lavolonte sa enn ki'n anvoy mwan, e fini misyon ki i'n konfye mwan.