Levitik 1:14 - Labib An Kreol Seselwa

¹⁴ Si en dimoun i ofer SENYER koman sakrifis konplet avek en zwazo, alor i ava ofer en tourtrel oubyen en pizon.

Levitik 1:14 ပူးပေါင်းရင်းမြစ်များ

Zenez 15:9

SENYER ti dir li, “Anmenn en zenis 3 an, en femel kabri 3 an, en mouton mal 3 an, en tourtrel ek en zenn pizon.”

Levitik 12:8

Si i napa mwayen pour anmenn en zenn mouton, i ava pran de tourtrel oubyen de pizon, enn pour en sakrifis konplet e lot pour en sakrifis pardon pese. Pret ava fer rityel pardon pour sa fanm ki ava ganny pirifye.

Levitik 5:10

I ava ofer dezyenm zwazo koman en sakrifis konplet dapre regle-man. Pret ava fer rityel pour sakrifis pardon son pese ki i'n komet, e i ava ganny pardonnen.

Levitik 5:11

Me, si i pa posib pour en dimoun ganny de tourtrel oubyen de pizon, alor i kapab ofer koman lofrann pour pardon pese ki i'n komet, en dizyenm mezir lafarin meyer kalite. Me i pa devre azout delwil avek, ni met lansan lo la, akoz i en lofrann pour pardon pese.

Levitik 5:7

Me si i pa kapab ganny en mouton koman sakrifis pour pardon pese ki i'n komet, alor, i ava anmenn devan SENYER, de tourtrel oubyen de pizon. Enn koman sakrifis pour pardon pese, lot koman sakrifis konplet.

Matye 11:29

Pran mon fardo e aksepte mon lansennyman, akoz mon dou e dan mon leker i annan limilite e zot ava kapab repoze.

Matye 21:12

Zezi ti antre dan Tanp e sas tou bann ki ti pe aste e vann dan Tanp. I ti savir latab bann ki ti pe sanz larzan e sez bann ki ti pe vann pizon.

Levanzil dapre Lik 2:24

Parey lalwa i osi demande, zot ti ofer en sakrifis: En per tourtrel, oubyen de zenn pizon.

2 Korentyen 8:12

Annefe, si nou met nou bonn volonte, Bondye i aksepte nou don, pa dapre sa ki nou napa, me dapre sa ki nou annan.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.