Levitik 1:10 - Labib An Kreol Seselwa

¹⁰ Si en dimoun i ofer koman sakrifis konplet, en mouton oubyen en kabri ki sorti dan troupo, i ava ofer en mal san okenn defo.

Levitik 1:10 ပူးပေါင်းရင်းမြစ်များ

Zenez 4:4

Abel li, ti ofer en sakrifis bann premye zannimo ki son troupo ti'n prodwir. SENYER ti aksepte Abel ek son lofrann.

Zenez 8:20

Noe ti fer en lotel pour SENYER. I ti pran enn parmi bann zannimo pir ek en zwazo pir e i ti ofer koman en sakrifis konplet lo sa lotel.

Egzod 12:5

Sa zenn mouton i devret san defo e aze enn an. Ou ava kapab pran li parmi bann mouton oubyen bann kabri.

Ezekyel 43:22

Son lannmen, ou ava ofer en bouk san defo pour pardon pese pour pirifikasyon lotel, parey ou fer avek toro.

Levitik 14:10

Wityenm zour, i ava pran de mouton mal san defo, en zenn femel mouton aze enn an e san defo, en lofrann nef kilo lafarin meyer kalite, petri avek delwil, ek en demi lit delwil.

Levitik 16:3

La ki mannyer Aaron pou antre dan sanktyer: I devre anmenn en zenn toro pour sakrifis pardon pese ek en mouton mal pour sakrifis konplet.

Levitik 16:5

Pep Izrael antye ava donn li de bouk, enn pour sakrifis pardon pese, lot pour sakrifis konplet.

Levitik 22:19

pour ki sa lofrann i ganny aksepte, i ava pran en mal san defo parmi troupo bef, mouton oubyen kabri.

Levitik 23:12

Zour zot ava fer rityel avek lofrann sa tiz, zot ava ofer SENYER en zenn mouton aze enn an, san defo, koman en sakrifis konplet.

Levitik 3:1

Si en dimoun i ofer en sakrifis lape, i ava ofer en zannimo ki sorti dan son troupo bef. I ava ofer SENYER en mal oubyen en femel ki san defo.

Levitik 4:23

ler i dekouver sa fot ki i'n komet, i devre ofer en bouk, san defo.

Levitik 4:3

si en pret konsakre ki'n fer sa pese, e par la i'n rann koupab lepep antye, i ava ofer SENYER koman sakrifis pardon pour son pese, en zenn toro san okenn defo.

Levitik 5:15

Si, enkonsyanman, en dimoun i komet en fot grav, an gardan sa ki'n konsakre pour SENYER, la sa ki i devre fer: I ava anmenn devan SENYER, koman sakrifis reparasyon, en mouton mal, san defo, sorti dan son troupo. Son valer pou ganny estimen an pyes larzan, dapre valer ki an viger dan sanktyer.

Levitik 9:2

I ti dir Aaron, “Pran en zenn toro pour sakrifis pardon pese, ek en mouton mal pour sakrifis konplet; tou le de i devre san defo. Prezant zot devan SENYER.

Malasi 1:14

Bondye pou modi sa voler ki tronp li avek en zannimo taste, kan dan son troupo, i annan en zannimo mal, byen portan. Mon en gran lerwa, e mon non i ganny respekte parmi bann nasyon. SENYER liniver ki deklare.

Nonm 15:5

I ava osi vers en lit diven avek sa sakrifis konplet koman lofrann labwason. I ava fer parey pour nenport lezot sakrifis e pour sak mouton:

Nonm 19:2

Sa i lalwa ki SENYER ti donnen: Dir pep Izrael anmenn devan ou en bef rouz ki napa okenn defo e ki pa ankor anmenn okenn fardo.

Nonm 6:14

I ava ofer SENYER son don: En zenn mouton mal enn an, san defo koman en sakrifis konplet; en zenn femel mouton aze enn an san defo pour en sakrifis pese e en mouton mal adilt san defo, koman en sakrifis lape.

Levanzil dapre Zan 1:29

Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.