Lamantasyon 5:14 - Labib An Kreol Seselwa

¹⁴ Bann vye dimoun nepli asiz obor laport lavil; bann zennzan nepli zwe lanmizik.

Lamantasyon 5:14 ပူးပေါင်းရင်းမြစ်များ

Liv Zob 30:1

Aprezan, bann ki pli zenn ki mwan, pe riy mwan. Otrefwa, mon ti telman mepriz zot papa ki mon pa ti pou menm met zot avek mon bann lisyen ki vey mon troupo.

Liv Zob 30:31

Mon laarp i zwe zis lanmizik dey; mon laflit i akonpanny bann ki pe plere.

Zeremi 16:9

Annefe, la sa ki SENYER liniver, Bondye Izrael i deklare: Mon pou fer aret lafet; tou tapaz rezouisans ek sanson pour nouvo ek nouvel marye. Tousala pou ariv devan zot lizye, letan zot ankor vivan, e anba ou lizye.

Zeremi 25:10

Mon pou fer disparet tou sanson lazwa ek kontantman, tou sanson maryaz. Pou annan silans kot i moul lagrenn. Lalanp delwil pou aret kler lakaz dan fernwanr.

Zeremi 7:34

Dan bann lavil Zida e dan bann semen Zerizalenm, pou nepli antann dimoun riye ni war dimoun zwaye; pou nepli antann son rezouisans maryaz. Mon pou fer aret tousala e sa pei pou vin en landrwa devaste.

Lamantasyon 1:19

Mon ti apel mon bann zanmi, me zot in les mwan tonbe. Mon bann pret ek mon bann konseye in mor dan lavil, letan zot ti pe rod keksoz pour manze, pour zot kapab repran zot lafors.

Lamantasyon 1:4

Semen ki anmenn Siyon i an dey, personn pa pas par la pour al dan bann lafet. Dimoun nepli pas par son bann laport. Son bann pret i plennyen. Son bann zenn fiy zot dan lapenn. Siyon i dan lanmertim.

Lamantasyon 2:10

Bann ansyen dan Zerizalenm in asiz ater san dir nanryen. Zot in kouver zot latet avek lapousyer e zot in met lenz dey. Bann zenn fiy dan Zerizalenm in bes zot latet ater.

Ezekyel 26:13

Mon pou fer arete lanmizik ek ou bann sanson; pou nepli antann son lanmizik lo laarp.

Oze 2:13

Mon pou fer li peye pour letan ki i'n pase avek bann Baal. I ti ofer zot lansan. I ti abiye dan bag ek kolye pour zot. I ti swiv son bann galan, me mwan, i ti oubliye. SENYER ki deklare.

Deterononm 16:18

Ou ava nonm bann ziz ek bann mazistra dan sak tribi, dan tou zot bann lavil ki SENYER, ou Bondye pou donn ou. Zot ava ziz lepep dapre lazistis.

Revelasyon 18:22

Bann zwer laarp ek bann mizisyen! Sante! Pa pou zanmen antann ankor zwer laflit ek tronpet kot ou. Pou nepli annan ni zouvriye ni artizan kot ou. Pou nepli antann ankor kot ou, tapaz moulen dible.