Lamantasyon 4:9 - Labib An Kreol Seselwa

⁹ Sa bann ki ti ganny masakre ti pli sanse ki bann viktim lafen; zot deperi dousman akoz napa nanryen pour manze.

Lamantasyon 4:9 ပူးပေါင်းရင်းမြစ်များ

2 Rwa 25:3

Nevyenm zour dan katriyenm mwan, sa menm lannen, lafanmin ti'n vin sitan for dan lavil, ki ti nepli annan manze.

Egzod 16:3

Pep Izrael ti dir zot, “Plito SENYER ti'n touy nou depi Lezip kot nou ti asiz devan bann marmit lavyann, kot nou ti manz dipen nou vant plen. Ou'n anmenn sa pep antye dan dezer pour li mor lafen.”

Ezai 22:2

Ou en lavil ki ranpli avek tapaz; ou en lavil ki azite dan lafet; ou bann zabitan pa'n ganny masakre, ni mor dan lager.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Ezekyel 24:23

Gard zot tirban lo zot latet e zot sandal dan zot lipye. Zot pa bezwen ni lamante, ni plere, me zot ava zemir dan zot fot e zot ava konsol kanmarad.

Ezekyel 33:10

Ou ki en imen, dir pep Izrael: Zot pe dir: Nou fot ek nou pese i en fardo lo nou akoz nou move konportman, nou pe deperi anba son pwa. Ki nou pou fer pour viv?

Ezekyel 4:16

I ti azoute, “Ekoute, ou ki en imen! Mon pe al detri bann rezerv dipen dan Zerizalenm. Zot pou ganny dipen par rasyon e delo osi pou ganny rasyonnen. Zot pou manze e bwar avek lafreyer ek langwas.

Ezekyel 7:15

Lepe pou deor e lepidemi ek lafanmin pou anndan. Sa enn ki dan laplenn pou ganny masakre; sa enn ki dan lavil pou ganny devore par lafanmin ek lepidemi.

Levitik 26:39

Bann sirvivan dan pei zot bann lennmi, ava deperi pa zis akoz zot bann pese, me osi akoz pese zot bann zanset.

Deterononm 28:51

Sa nasyon ava manz prodwi ou bann troupo, prodwi ou later, ziska ki ou ganny detri. I ava les ou san semans, diven, delwil, ni zenn bef, ni zenn mouton, ni zenn kabri, ziska ki i'n fer ou disparet.