Lamantasyon 3:40 - Labib An Kreol Seselwa

⁴⁰ Annou get byen nou mannyer viv e retourn ver SENYER.

Lamantasyon 3:40 ပူးပေါင်းရင်းမြစ်များ

2 Kronik 30:6

Alor, parey lerwa ti'n donn lord, bann mesaze ti al partou atraver Izrael ek Zida avek let sorti kot lerwa ek bann sef: Pep Izrael, retourn kot SENYER, Bondye Abrahanm, Izaak, ek Izrael, pour li retourn ankor ver zot, leres Izrael, ki'n sape dan lanmen bann lerwa Asiri.

2 Kronik 30:9

Si zot retourn ver SENYER, alor bann ki pe gard zot frer ek zot zanfan prizonnyen, ava pran konpasyon pour zot e ava les zot retourn dan zot pei. SENYER zot Bondye i bon e i ranpli avek konpasyon. I pa pou detourn kont zot, si zot retourn ver li.

Psonm 119:59

Mon'n reflesi lo mon mannyer viv. Mon oule retourn ver ou bann lord.

Psonm 4:4

Tranble dan ou leker, pa fer pese. Lo ou lili, medit dan ou leker e reste trankil.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Ezekyel 18:28

Akoz i'n rann kont e i'n deside abandonn son move lavi, sirman i ava viv, i pa pou mor.

Oze 12:6

Me ou, ou devre retourn kot ou Bondye, pratik lanmour e annan respe pour lazistis; touzour met ou lesperans dan ou Bondye.

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

1 Korentyen 11:28

Ki sakenn i egzamin son prop lekor, avan manz sa dipen e bwar sa lakoup.

1 Korentyen 11:31

Si nou konmans par egzamin nou menm, nou ava evite tonm anba zizman Bondye.

2 Korentyen 13:5

Egzamin zot lekor pour war si zot pe gard zot lafwa. Teste zot lekor. Pa zot rekonnet ki Zezi-Kri i reste dan zot? Amwen ki zot pa pas tes!

Deterononm 4:30

Plitar, kan ou pou dan detres, kan tou sa ki mon'n anonse ava'n arive, ou ava retourn ver SENYER, ou Bondye e ou ava son lavwa.