Lamantasyon 2:20 - Labib An Kreol Seselwa

²⁰ SENYER! Lev ou lizye. Gete! Lekel ki ou'n tret konmsa? Eski bann manman i kapab manz zot prop zanfan, zanfan ki zot in kontan? Eski fodre ki bann pret ek bann profet zot ganny touye dan sanktyer SENYER?

Lamantasyon 2:20 ပူးပေါင်းရင်းမြစ်များ

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Psonm 78:64

Bann pret ti ganny masakre; bann vev pa ti kapab fer tande zot lamantasyon.

Egzod 32:11

Me Moiz ti sipliy avek SENYER, son Bondye, “SENYER akoz ou pran sa gran lakoler kont ou pep ki ou ti fer sorti Lezip avek gran pwisans e par ou lanmen for?

Ezai 22:2

Ou en lavil ki ranpli avek tapaz; ou en lavil ki azite dan lafet; ou bann zabitan pa'n ganny masakre, ni mor dan lager.

Zeremi 19:9

Lennmi pou kanp otour lavil e zot pou esey atak son bann zabitan. Mon pou fer zot manz laser zot zanfan e zot pou manz kanmarad.

Zeremi 21:7

SENYER ti deklare: Kanta Sedesyas, lerwa Zida ek son bann sef ek tou dimoun ki'n sirviv lafanmin, lepe ek lepidemi, mon pou livre zot dan lanmen lerwa Naboukodonozor ek bann lennmi ki oule touy zot. Naboukodonozor pou masakre zot tou. I pa pou eparny personn, ni montre konpasyon oubyen pitye anver personn.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Lamantasyon 1:19

Mon ti apel mon bann zanmi, me zot in les mwan tonbe. Mon bann pret ek mon bann konseye in mor dan lavil, letan zot ti pe rod keksoz pour manze, pour zot kapab repran zot lafors.

Lamantasyon 4:10

Bann manman ki ti annan konpasyon ti kwi zot prop zanfan pour zot manze, akoz dezas ki ti'n vin lo mon pep.

Lamantasyon 4:13

Sa in arive akoz pese son bann profet e fot son bann pret ki ti fer koule parmi zot disan dimoun inosan.

Lamantasyon 4:16

SENYER li menm in dispers zot, i pou nepli get zot. Bann pret nepli ganny onore; bann ansyen nepli ganny respekte.

Ezekyel 5:10

Akoz sa, dan sa lavil, bann paran pou manz zot zanfan e zanfan pou manz zot paran. Mon pou egzekit mon zizman kont ou e dispers tou bann sirvivan, dan tou kote.

Ezekyel 9:7

Apre, i ti dir zot, “Touy tou dimoun ki dan lakour tanp, ranpli lakour avek kadav e fer tanp vin enpir. Apre ale.” Alor, zot ti ale e zot ti masakre tou dan lavil.

Levitik 26:29

Zot ava manz laser zot bann garson e zot ava manz laser zot bann fiy.

Deterononm 9:26

Mon ti priy SENYER. Mon ti dir li: Senyer BONDYE, pa detri sa pep ki, dan ou grander, ou'n sove, ki par ou pwisans, ou'n fer sorti Lezip.