Lamantasyon 2:17 - Labib An Kreol Seselwa

¹⁷ Parey i ti'n deside depi byen lontan, SENYER in detri Zerizalenm san pitye. Sa ki i'n fer avek nou i'n fer lennmi rezoui lo ou maler; i'n fer ou bann lennmi vin pli for.

Lamantasyon 2:17 ပူးပေါင်းရင်းမြစ်များ

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

Psonm 35:24

SENYER mon Bondye! Ziz mwan dapre ou lazistis. Pa les mon bann lennmi riy mwan.

Psonm 35:26

Fer sa bann ki kontan mon maler kanmi e onte. Ki sa bann ki montre larogans i ganny kouver avek laont ek dezoner.

Psonm 38:16

Mon demann ou: Pa les zot riy mwan! Pa les zot rezoui kan mon fer en fo pa.

Psonm 89:42

Ou'n donn lennmi laviktwar; ou'n fer tou son bann lennmi kontan.

Psonm 89:43

Ou'n menm vir son lepe kont li; ou pa'n donn li ou sipor dan lager.

Ezai 14:29

Bann Filisten pa bezwen rezoui, akoz sa baton ki pe tap lo zot in ganny kase. Annefe, en viper pou sorti dan kadav en serpan, dan sa viper pou sorti en dragon volan.

Zeremi 18:11

Aprezan, al dir pep Zida e bann zabitan Zerizalenm ki mon pe mazin en maler pour zot, ki mon pe fer en plan kont zot. Sakenn i devre sorti dan son move lavi; sanz son mannyer viv ek son mannyer fer.

Zeremi 4:28

Pour sa rezon, later pou an dey. Lesyel pou vin nwanr. Annefe, mon'n dir e mon'n deside, mon pa regret nanryen, mon pa pou retourn annaryer.

Zeremi 40:3

La aprezan, in realiz sa ki i ti'n dir i pou fer. Tousala in arive akoz ou pep in komet pese e i pa'n obei SENYER.

Lamantasyon 1:5

Son bann ladverser in vin son sef son bann lennmi i trankil. SENYER in fer Zida soufer akoz tou son bann dezobeisans. Son bann zanfan in vin prizonnyen; zot in ganny anmennen annegzil.

Lamantasyon 2:8

SENYER in deside met anrin tou bann miray ki protez Zerizalenm. I ti fer mezire e fer sir ki tou ti ganny kraze. Aprezan, son bann tour ek bann miray in vin zis en ta debri.

Lamantasyon 3:43

Ou'n anvlop ou dan ou lakoler; ou'n pourswiv nou e ou'n touy nou san pitye.

Lamantasyon 4:11

SENYER in les deborde son lakoler; i'n repann son lakoler partou. I'n alim en dife dan Zerizalenm ki'n bril ziska son fondasyon.

Ezekyel 5:11

Alor, osi vre ki mon vivan, la sa ki mwan Senyer BONDYE mon deklare: Akoz ou'n rann mon sanktyer enpir par ou move konportman, par ou bann aksyon degoutan, mwan osi, mon pou abandonn ou e aret protez ou san pitye.

Ezekyel 8:18

Alor, aprezan mon tour: Mon pou azir avek lakoler san pitye; mon pa pou eparny personn. Zot ava kriye avek tou zot lafors, mon pa pou ekout zot.”

Ezekyel 9:10

Mwan, mon pa pou montre okenn konpasyon, ni pitye pour personn, me mon pou fer zot siport konsekans zot bann aksyon.”

Danyel 9:12

Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.

Mise 2:3

Pour sa rezon, SENYER i deklare: Mon pe prepar en maler kont sa bann zans. Zot pa pou kapab sape, ni kapab mars latet anler, akoz en letan maler pe vini.

Sofoni 1:2

La sa ki SENYER i deklare: Mon pou konpletman detri tou sa ki lo later.

Zakari 1:6

Sepandan mon bann parol, mon bann desizyon ki mon ti'n donn mon bann serviter, bann profet, pa i'n ariv ziska kot zot bann zanset? Alor, zot ti repanti e zot ti dir: SENYER liniver in deside tret nou dapre nou mannyer viv e nou mannyer fer.