Lamantasyon 2:13 - Labib An Kreol Seselwa

¹³ Zerizalenm! Ki mon kapab dir dan ou faver? Avek ki mon kapab konpar ou? Ki mon kapab fer pour konsol ou? Zanmen personn in soufer parey ou. Dezas ki ou'n pas ladan i osi gran ki losean. Lekel ki pou kapab geri ou?

Lamantasyon 2:13 ပူးပေါင်းရင်းမြစ်များ

2 Samyel 5:20

David ti ariv Baal-Perasim, kot i ti bat bann Filisten. I ti dir, “SENYER in ouver defans lennmi devan mwan parey delo i defons en baraz.” Pour sa rezon, sa landrwa i apel Baal-Perasim.

2 Rwa 19:21

La parol ki SENYER in prononse kont li: Siyon i mepriz ou, i ensilte ou; Fiy Zerizalenm i sekwe latet deryer ou ledo.

Psonm 60:2

Ou'n fer later sekwe; ou'n ouver li. Repar bann krevas akoz i pe tranble.

Ezai 37:22

la parol ki SENYER in prononse kont li: Lavil Siyon i mepriz ou, i ensilte ou. Zerizalenm i ridikiliz ou deryer ou ledo.

Zeremi 14:17

La sa ki ou ava dir lepep: Mon lizye i ranpli avek larm nwit e zour; mon pa aret plere, akoz mon pep ki mon kontan parey mon fiy in soufer en kantite. Son blesir i vreman grav.

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Zeremi 8:22

Eski nepli annan remed dan Galaad? Nepli annan dokter laba? Akoz ki blesir mon pep pa'n geri?

Zeremi 9:18

Lepep i dir: Dir zot depese pour zot vin plere e lamante pour nou, ziska ki nou lizye ava ranpli avek larm, e nou popyer ava mouye afors plere.

Lamantasyon 1:12

Zot ki pas par la, zot pa konpran ki personn pa'n soufer otan parey mwan? SENYER li menm, ki'n anvoy sa soufrans dan letan son gran lakoler.

Ezekyel 32:31

Kan lerwa Lezip ava war sa, i pou ganny konsole pour son pep, akoz tou son bann zonm ki'n ganny masakre dan lager. Senyer BONDYE ki'n deklare.

Danyel 9:12

Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.