Lamantasyon 2:10 - Labib An Kreol Seselwa

¹⁰ Bann ansyen dan Zerizalenm in asiz ater san dir nanryen. Zot in kouver zot latet avek lapousyer e zot in met lenz dey. Bann zenn fiy dan Zerizalenm in bes zot latet ater.

Lamantasyon 2:10 ပူးပေါင်းရင်းမြစ်များ

2 Samyel 13:19

Tamar ti met lasann lo son latet, e desir son rob plizyer kouler ki i ti'n mete. I ti met lanmen lo son latet, e i ti kriye.

Ezai 15:3

Zot lo semen dan lenz dey. Lo twa bann lakaz e dan bann plas piblik, tou dimoun i an larm, pe plere.

Ezai 3:24

Loder pouritir pou ranplas loder lesans; en lakord pou ranplas en sang. Latet kler pou ranplas bann lanmod pennyen avek ekstravagans; lenz dey pou ranplas bann lenz lafet; laont dan plas labote.

Ezai 3:26

Zot bann laport pou plennyen e lamante; i pou asiz ater, parey en fanm depouye.

Ezai 36:22

Alor Elyakim, garson Hilkiya sef pale, Sebna, sekreter ek Yoa, garson Asaf ki ti arsivis, ti vin kot Ezekyas avek zot lenz desire; zot ti raport bann parol Ed de kan Asiriyen.

Ezai 47:1

Babilonn, lavil vyerz! Desann lo ou tronn rwayal e vin asiz dan lapousyer. Fiy Babilonn! Vin asiz ater, san ou tronn. Ou pou nepli ganny apele Babilonn sansib e delika.

Ezai 47:5

Bann fiy Babilonn! Asiz an silans dan fernwanr. Zot pou nepli ganny apele: Larenn bann Rwayonm.

Zeremi 8:14

Lepep i demande: Akoz nou reste la, san nanryen fer? Annou regroup nou dan bann lavil fortifye e esper lanmor pran nou. SENYER, nou Bondye in deside les nou mor. In donn nou delo anpwazonnen pour bwar, akoz nou'n fer pese kont li.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Lamantasyon 1:4

Semen ki anmenn Siyon i an dey, personn pa pas par la pour al dan bann lafet. Dimoun nepli pas par son bann laport. Son bann pret i plennyen. Son bann zenn fiy zot dan lapenn. Siyon i dan lanmertim.

Lamantasyon 3:28

Dan lasoufrans, i devre asiz tousel e dan silans.

Lamantasyon 4:16

SENYER li menm in dispers zot, i pou nepli get zot. Bann pret nepli ganny onore; bann ansyen nepli ganny respekte.

Lamantasyon 4:5

Bann ki ti abitye manz bon manze pe mor lafen dan semen. Bann ki ti grandi dan lopilans pe fouy dan salte pour ganny en morso manze.

Lamantasyon 5:12

Bann sef in ganny pann par zot lanmen; personn pa respekte bann vyeyar.

Lamantasyon 5:14

Bann vye dimoun nepli asiz obor laport lavil; bann zennzan nepli zwe lanmizik.

Ezekyel 27:30

Zot pou pler lo ou e lamante avek plent anmer. Zot pou fann lapousyer lo zot latet; zot pou roul zot dan lasann.

Ezekyel 27:31

Akoz ou, zot pou raz zot latet e met lenz dey. Zot pou kriye e lamante akoz ou.

Ezekyel 7:18

Zot pou anvlop zot dan lenz dey, zot pou konny ansanm avek lafreyer. Zot figir pou kouver avek laont; zot tou, zot pou bezwen raz zot latet telman zot onte.

Zoel 1:8

Lamante zot tou, parey en zenn fiy an dey ki pe pler lanmor son zenn fiyanse.

Amos 5:13

Pour sa rezon, dan sa letan maler, en zonm saz i reste trankil.

Amos 8:13

Sa zour la, bann zoli zenn fiy ek bann zoli zennzan pou perdi konnesans akoz laswaf.

Amos 8:3

Senyer BONDYE i deklare: Sa zour, bann sanson dan pale, pou vin kantik dey. Pou annan en kantite lanmor. Bann kadav pou ganny zete partou. Partou pou silans.

Zonas 3:6

Kan lerwa Niniv ti tande sa ki ti pe pase, i ti leve lo son tronn, tir son lenz rwayal, e met lenz dey li osi e asiz lo lasann.

Zozye 7:6

Alor, Zozye, ensi ki bann ansyen dan Izrael, ti desir zot lenz, tonm lafas ater devan Kof Lalyans SENYER, ziska aswar. Zot ti zet lapousyer lo zot latet.

Revelasyon 18:19

Zot ti zet lapousyer lo zot latet; zot ti plere e zot ti lamante: Maler! Maler! Ki kalite maler sa gran lavil i ladan. Par son larises, i'n anrisi tou bann ki ti annan bato lo lanmer! Dan zis en erdtan in arive perdi tou!