Lamantasyon 1:3 - Labib An Kreol Seselwa

³ Popilasyon Zida i annegzil; i'n ganny kraze avek lanmizer. I pe asiz parmi bann nasyon san trouv okenn repo. Son bann lennmi in anserkle li, napa semen pour zot sove.

Lamantasyon 1:3 ပူးပေါင်းရင်းမြစ်များ

2 Rwa 25:11

Nebouzaradann, sef gard rwayal, ti deport Babilonn leres bann zabitan dan lavil: Bann ki ti'n abandonnen pour al zwenn avek lerwa Babilonn ek tou leres popilasyon.

2 Rwa 25:21

Lerwa Babilonn ti touy zot, la Ribla, dan pei Hamat. Alor, Zida ti ganny deporte lwen avek son pei.

2 Rwa 25:4

Alor, en trou ti ganny ouver dan miray lavil. Lerwa avek tou son bann gerye ti sove dan lannwit par laport ki ti ant sa de miray kot zarden lerwa, menm si bann Babilonyen ti ankor otour lavil. Zot ti sov dan direksyon Araba.

2 Rwa 25:5

Me bann gerye Babilonyen ti pourswiv lerwa Sedesyas e atrap li dan laplenn pre Zeriko; tou son bann gerye ti'n ganny disperse; zot ti'n abandonn li.

Zeremi 13:19

Bann lavil dan Sid Zida in fermen. Personn pa kapab antre. Tou bann zabitan dan Zida pe ganny deporte.

Zeremi 16:16

La sa ki SENYER i deklare: Mon pe anvoy en kantite peser ki pou lepidemi zot. Apre sa, mon pou anvoy en kantite saser ki pou debiste zot dan montanny, dan kolin e dan bann kap ros.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 39:9

Finalman, Nebouzaradann sef bann gard, ti fer deport Babilonn, tou dimoun ki ti'n reste dan lavil. I ti fer deport osi popilasyon ki ti'n dezerte.

Zeremi 52:15

Nebouzaradann, sef gard rwayal, ti deport Babilonn leres bann zabitan dan lavil: Bann ki ti'n abandonnen pour al zwenn avek lerwa Babilonn, ansanm avek bann zouvriye kalifye.

Zeremi 52:8

Me bann gerye Babilonyen ti pourswiv lerwa Sedesyas e atrap li dan laplenn pre Zeriko; tou son bann gerye ti'n ganny disperse; zot ti'n abandonn li.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Lamantasyon 4:15

Dimoun ti kriye: Sorti la! Enpir! Ale! Sorti! Sorti! Pa tous personn! Ensi, zot ti vin bann egzile e zot ti eran. Dimoun i dir parmi bann nasyon: Zot pou nepli reste parmi nou.

Lamantasyon 5:5

Nou lennmi i lo nou ledo; nou'n randi, zot pa les nou repoze.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Deterononm 28:48

ou pou servi bann lennmi ki SENYER pou anvoy kont ou dan lafen, laswaf; ou pou touni e mank tou keksoz. I pou met en bar feray lo ou likou ziska ki i fini detri ou.