Habakouk 2:18 - Labib An Kreol Seselwa

¹⁸ Akfer fabrik en stati fer par en artizan? I zis en zidol an metal ki'n ganny forze, pour fer dimoun krwar dan mansonz. I pa ni menm koze, me en artizan i met konfyans dan li?

Habakouk 2:18 ပူးပေါင်းရင်းမြစ်များ

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Ezai 1:31

Bann zonm for pou vin parey lapay; zot bann aksyon parey zekli dife, san ki personn ava kapab tennyen. Tou le de, zot pou bril ansanm. Personn pa pou kapab tenny zot.

Ezai 37:38

En zour, letan i ti pe priye dan tanp son bondye Nisrok, son de garson, Adramelek ek Sareser ti touy li avek lepe e sov dan pei Ararat. Son garson Asaradon ti renny dan son plas.

Ezai 40:19

En zidol? En artizan ki donn li en laform, en lorfev ti kouver li avek lor e moul bann kolye annarzan pour met li.

Ezai 41:26

Lekel ki'n anons sa depi konmansman pour ki nou kapab konnen? Lekel ki'n anonse depi lontan davans pour nou dir: Wi! I vre! Napa personn ki'n anonse, napa personn ki'n fer nou tande, napa personn ki'n antann ou parol.

Ezai 42:17

Sa bann ki met zot konfyans dan bann zidol, ki dir avek zot bann stati: Zot menm nou bondye, zot pou ganny rezete, zot pou dan laont!

Ezai 44:12

Forzron i fer en sizo; i sof li dan labrez. Akoud marto, i donn li en laform, avek lafors son gro lebra. Me ler i lafen i perdi lafors; si i pa bwar delo, i feb.

Ezai 45:16

Tou bann artizan ki fabrik zidol, zot ganny kouver avek laont ek konfizyon. Zot tou, zot ale dan konfizyon.

Ezai 45:20

Rasanble! Zot sirvivan bann nasyon. Aprose! Met zot ansanm. Zot pa konn nanryen, sa bann ki pronmnen avek zot zidol an bwa. Zot kontinyen sipliy en bondye ki pa kapab sov zot.

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Zeremi 51:17

Sa ki war sa i reste ebet, san konpran. Bann forzron i kanmi, akoz sa bann stati ki zot fer i en mansonz e zot napa okenn lavi.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Amos 2:4

La sa ki SENYER i deklare: Akoz sa kantite krim Zida, mon pa pour sanz mon desizyon: Zot in rezet mon lansennyman, zot pa'n obei mon komannman. Zot in les zot ganny tronpe, parey zot zanset ki ti ganny egare par bann mansonz. Zot osi, zot in swiv sa bann mansonz.

Zonas 2:8

Bann ki ador bann fo bondye napa sans ganny sove.

Zakari 10:2

Annefe, zot bann pti stati in koz mansonz; bann deviner in ganny fo vizyon. Zot bann rev ki zot rakonte, pa realize. Zot bann konsolasyon pa vo nanryen. Pour sa rezon, lepep i mars san direksyon parey bann mouton. Zot soufer akoz zot napa berze.

Romen 6:21

Me ki benefis zot ti gannyen par sa bann aksyon? Aprezan, sa bann aksyon i fer zot onte, akoz son rezilta, se lanmor.

1 Korentyen 12:2

Zot konnen ki kan zot pa ti'n ankor konn Bondye, zot ti ganny antrennen ver bann zidol ki pa koze.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

Ziz 17:4

I ti rann sa larzan son manman ki ti pran 200 pyes e donn en fonder metal. Sa zonm ti fer en stati an metal ki i ti plas dan lakaz Mise.

1 Samyel 12:21

Pa tourn kont li pour swiv bann fo bondye ki pa servi dan nanryen, ni kapab delivre zot, akoz zot pa vo nanryen.