Habakouk 1:5 - Labib An Kreol Seselwa

⁵ SENYER i dir: Gete sa ki pe pase parmi bann nasyon. Ou pou etonnen e sezi! Aksyon i deza pe ganny egzekite. Ou pa pou krwar, si ou antann rakonte.

Habakouk 1:5 ပူးပေါင်းရင်းမြစ်များ

Ezai 29:14

Alor, mon pou kontinyen etonn sa pep avek ankor bann mervey; par bann aksyon etonan enn apre lot. Bann saz pa pou konpran. Lentelizans bann savan pa pou kapab eksplike.

Ezai 29:9

Reste etonnen! Pa dir nanryen! Gard lizye fermen! Pa war nanryen! Vin sou, me san bwar diven! Drive, san ki ou'n bwar labwason for!

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Lamantasyon 4:12

Napa en lerwa lo later, ni okenn zabitan dan lemonn ki ti ava kapab krwar ki ladverser, lennmi ti ava kapab antre par bann laport Zerizalenm.

Danyel 9:12

Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Sofoni 1:2

La sa ki SENYER i deklare: Mon pou konpletman detri tou sa ki lo later.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.