Habakouk 1:4 - Labib An Kreol Seselwa

⁴ Alor, lalwa nepli ganny pratike. Personn pa rann lazistis koman fodre. Malfeter i atak sa enn ki bon. Alor, lazistis i ganny bafwe bann ziz i rann bann zizman enzis.

Habakouk 1:4 ပူးပေါင်းရင်းမြစ်များ

1 Rwa 21:13

De zonm san moralite ti asiz an fas avek li; zot ti akiz Nabot an prezans lepep. Zot ti dir, “Nabot in modi Bondye ek lerwa.” Alor, zot ti anmenn li deor lavil, e zot ti saboul li avek ros ziska ki i ti mor.

Liv Zob 21:7

Akoz bann malfeter i kontinyen viv? Zot viv vye e ganny ankor plis pouvwar?

Psonm 11:3

Ki en dimoun zis i kapab fer kan fondasyon lasosyete in ganny detri?

Psonm 119:126

Senyer! In ler pour ou azir, akoz ou lalwa in ganny vyole.

Psonm 22:12

Mon bann lennmi, bann toro, in antour mwan; bann toro ki sorti Basann in anserkle mwan.

Psonm 22:16

En group malfeter in antour mwan; zot parey en group lisyen ki'n anserkle mwan. Zot in pers mon lanmen ek mon lipye.

Psonm 59:2

Delivre mwan kont sa bann malfeter. Sov mwan kont sa bann kriminel.

Psonm 59:4

San ki mon'n komet okenn fot, zot taye e zot met zot pare pour atak mwan. Leve! Vin kot mwan e ou ava war ou menm.

Psonm 94:3

SENYER! Ziska kan sa bann malfeter? Ziska kan bann malfeter pou kontinyen fer lafet?

Egzod 23:2

Ou pa pou swiv lopinyon mazorite dimoun ki oule fer dimal, ni servi fo temwen dan en zafer, e tonm dakor avek en mazorite kont lazistis.

Egzod 23:6

Ou pa pou priv en pov son drwa dan en zafer.

Ezai 5:20

Maler lo zot ki apel sa ki byen, mal e sa ki mal, byen; ki sanz fernwanr pour lalimyer e lalimyer pour fernwanr; ki fer krwar anmer sa ki dou e dou sa ki anmer.

Ezai 59:12

Tou nou fot i la devan ou e nou bann pese i akiz nou. Nou bann fot pa kit nou e nou konn byen nou fot.

Zeremi 12:1

SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?

Zeremi 12:6

Annefe, menm bann manm ou prop fanmir in trai ou. Zot in fer konplo kont ou. Pa fer zot konfyans, menm ler zot vin anmyel ou avek bann zoli parol.

Zeremi 26:8

Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Zeremi 8:7

Menm sigonny i konnen kan pour li kit pei. Tourtrel, zirondel ek griv, zot konn sezon pour zot emigre. Me mon pep pa tenir kont bann regleman ki mon'n donn li.

Ezekyel 9:9

I ti reponn, “Pese pep Izrael ek Zida i tre grav. Pei i ranpli avek disan e lavil i ranpli avek lenzistis akoz zot pe dir: SENYER in abandonn sa pei e SENYER pa war nou.

Oze 10:4

Zot zis koze e fer bann fo serman ek bann promes vid. Zot bann zizman i file koman en plant anvaisan dan bann fose plantasyon.

Amos 5:12

Mon konnen kantite pese ki zot in fer e tou sa kantite krim ki zot in komet. Zot persekit bann inosan; zot anpes bann pov rod zot drwa devan ziz.

Amos 5:7

Pour zot, lalwa i anmer e zot trenn lazistis dan labou.

Mark 7:9

Zezi ti azoute, “Zot konn byen bann fason pour rezet komannman Bondye pour zot gard zot tradisyon.

Akt de Zapot 7:52

Lekel profet ki zot bann zanset pa'n persekite? Zot in touy tou bann ki'n anons larive sa enn ki Zis. Aprezan, li menm ki zot in trai e ki zot in touye.

Akt de Zapot 7:59

Pandan ki i ti pe ganny saboule, Etyenn ti fer sa lapriyer, “Senyer Zezi! Resevwar mon lespri!”

Romen 3:31

Donk, kan nou annan lafwa, eski sa i vedir ki nou rann lalwa initil? Non! O kontrer, nou pe donn lalwa son vre valer.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.