Galat 6:3 - Labib An Kreol Seselwa

³ Si en dimoun i krwar ki i enportan, alor ki i en nanryen ditou, i pe anbet son prop lekor.

Galat 6:3 ပူးပေါင်းရင်းမြစ်များ

Proverb 26:12

I annan plis lespwar rankontre en fou, ki rankontre en zonm ki krwar i saz.

1 Korentyen 3:18

Fodre pa ki personn i anbet son lekor: Si enn parmi zot i krwar ki i malen dapre sa lemonn, fodre ki i vin fou pour li ganny lasazes,

1 Korentyen 8:2

Sa enn ki pretann i konn keksoz, an realite i pa ankor konnen parey i devre.

Romen 12:3

Par lagras ki, dan son bonte, Bondye in donn mwan, mon dir avek zot tou: Pa bezwen ganny en tro gran lopinyon lo zot menm. O kontrer, reste rezonnab, mezir zot valer dapre lafwa ki Bondye in donn zot.

2 Korentyen 3:5

Annefe, nou pa kapab pretann akonplir en tel tas par nou menm. Sa ki nou kapab fer i sorti kot Bondye.

1 Korentyen 13:2

Mon kapab annan don profesi, lasyans tou bann mister ek tou konnesans; lafwa pour fer bann montanny deplase: Si mon napa lanmour, mon en nanryen ditou.

1 Zan 1:8

Si nou pretann ki nou san pese, nou pe anbet nou lekor e laverite pa dan nou.

Romen 12:16

Viv an akor avek tou zot kanmarad. Pa bezwen annan lorgey, me aksepte bann travay ki senp. Pa bezwen annan en tro gran lopinyon lo zot menm.

Levanzil dapre Lik 18:11

Sa Farizyen ti debout e priy dan li menm: Mon Bondye! Mon remersye ou ki mon pa parey leres bann zonm ki voler, enzis, adilter. Mon remersye ou osi akoz mon pa parey sa kolekter taks.

Let Zak 1:22

Pa bezwen tronp zot lekor: Pa zis ekout Parol Bondye; fodre osi met li an pratik.

Proverb 25:14

Sa enn ki promet kado ki i pa zanmen donnen, i parey nyaz ek divan ki pa anmenn lapli.

Let Zak 1:26

Sa enn ki krwar i relizye, si i pa kontrol son langaz, i pe anbet son lekor: Son relizyon pa vo nanryen.

2 Timote 3:13

Me bann malfeter ek bann tronper pou touzour fer progre dan sa ki mal. Zot pou tronp lezot, me zot osi, zot pou ganny tronpe.

2 Korentyen 12:11

Mon'n koz koman en fou! Me zot ki'n fors mwan. Zot ki ti devre koz dan mon faver. Annefe, menm si mon en nanryen ditou, mon pa ditou enferyer avek zot bann gran zapot.

Galat 2:6

Me bann ki ti ganny konsidere koman dirizan parmi zot, pa fer mwan nanryen pour konnen ki zot ti ete, akoz Bondye pa ziz dapre laparans; sa bann dirizan pa ti enpoz okenn nouvo lord lo mwan.

Akt de Zapot 5:36

Pa tro lontan, Tedas ki ti pretann i ti en zonm enportan, ti aparet. I ti menm annan apepre 400 zonm avek li. Me ler zot ti touy li, tou bann ki ti avek li ti fannen e sa mouvman ti disparet.

Galat 2:9

Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.