Filipyen 1:5 - Labib An Kreol Seselwa

⁵ Annefe, depi premye zour ziska ozordi, zot in ed mwan pour repann Bonn Nouvel.

Filipyen 1:5 ပူးပေါင်းရင်းမြစ်များ

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Filemon 1:17

Alor, si ou konsider mwan koman ou frer dan lafwa, resevwar li parey ou ti ava resevwar mwan.

Filipyen 1:7

I normal ki mon annan en tel santiman anver zot tou. Annefe, zot tou, zot annan en plas spesyal dan mon leker. Zot tou, zot partisip dan sa don ki Bondye in akord mwan, ozordi ki mon dan prizon, parey yer, kan mon ti pe defann Bonn Nouvel e anons li avek kouraz.

1 Zan 1:3

Tou sa ki nou'n war e tande, nou'n osi anons zot, pour ki zot osi, zot ava ini avek nou. Annefe, nou an kominyon avek Bondye, nou Papa e avek son Garson, Zezi-Kri.

Efezyen 3:6

Sa sekre, se ki par mwayen Bonn Nouvel, bann non-Zwif i osi destinen pour ganny en par dan menm leritaz ki Bondye in rezerve pour son pep. Zot manm en menm lekor e zot osi, zot benefisye dan menm promes ki Bondye in fer dan Zezi-Kri.

2 Korentyen 8:1

Mon bann frer ek ser! Nou oule ki zot konnen ki mannyer Bondye in montre son lagras dan bann Legliz ki Masedwann.

Romen 15:26

Annefe, bann krwayan dan Masedwann ek Lagres in kontan fer en souskripsyon pour bann pov anver kominote ki Zerizalenm.

1 Zan 1:7

Me si nou pe mars dan lalimyer parey li menm i dan lalimyer, alor, nou pe viv ini avek kanmarad, e disan Zezi, son Garson, i pirifye nou avek tou pese.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.

Filipyen 2:12

Mon bann zanmi! Zot in touzour obei mwan kan mon ti parmi zot. Aprezan ki mon lwen avek zot, kontinyen obeir plis ankor. Travay avek limilite ek respe pour zot ganny sove.

1 Korentyen 1:9

Bondye i fidel dan son promes; li menm sa Bondye ki'n apel zot pour viv dan lakominyon avek son Garson Zezi-Kri, nou Senyer.

Romen 11:17

Me si detrwa brans en pye zoliv in ganny koupe e si ou ki en brans zoliv maron, ou'n ganny grefe dan son plas, ou, non-Zwif, ou pou benefisye lasev ki mont depi rasin sa pye zoliv.

Akt de Zapot 2:42

Zot ti konsakre bokou letan pour aprann lansennyman bann zapot. Zot ti viv ansanm, koman frer; zot ti partaz dipen, e pas letan dan lapriyer.

Romen 12:13

Ed zot bann frer ki dan bezwen e pratik lospitalite.

Filipyen 1:12

Mon bann frer ek ser! Mon oule ki zot konnen: Sa ki'n arive avek mwan, in kontribye pour fer progrese Bonn Nouvel.

Filipyen 1:16

Sa bann dimoun, zot fer li avek lanmour, akoz zot konnen ki mon'n ganny met dan prizon pour defann Bonn Nouvel.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Filipyen 2:22

Zot konnen zot menm ki mannyer Timote in montre son fidelite: I'n travay avek mwan, dan servis Bonn Nouvel, parey en garson avek son papa.

Filipyen 4:3

E ou osi, mon fidel koleg travay, mon demann ou, ed sa bann fanm. Ansanm avek Kleman ek lezot koleg travay ki zot non in ekri dan liv lavi, zot in konbat avek mwan pour anons Bonn Nouvel.