Ezekyel 4:3 - Labib An Kreol Seselwa

³ Apre, pran en plak feray e plas li koman en miray ant ou ek lavil. Get li byen; lavil in ganny anserkle. Ou ki pe atak li. Sa i en lavertisman pour pep Izrael.

Ezekyel 4:3 ပူးပေါင်းရင်းမြစ်များ

Ezai 20:3

Apre sa, SENYER ti dir: Parey mon serviter Ezai ti mars pandan 3 an touni e san sandal, koman en siny e en lavertisman pour Lezip ek Letyopi,

Ezai 22:7

Ou bann pli zoli vale in ranpli avek bann kales lager. Kavalye in pran pozisyon devan laport.

Ezai 8:18

Mwan, avek bann zanfan ki SENYER in donn mwan, nou koman siny lavertisman pour Izrael, sorti kot SENYER liniver, ki reste lo Montanny Siyon.

Zeremi 39:1

Dan nevyenm lannen ki Sedesyas ti lerwa Zida dan nevyenm mwan, Naboukodonozor, lerwa Babilonn, ti vin atak Zerizalenm avek tou son bann gerye.

Zeremi 39:2

Lo nevyenm zour, katriyenm mwan, onzyenm lannen ki Sedesyas ti lerwa, bann miray lavil ti degrengole.

Ezekyel 12:11

Dir zot: Mon en siny lavertisman pour zot. Sa ki mon'n fer, pou ariv avek zot; zot pou ganny deporte pour al annegzil.

Ezekyel 12:6

Devan zot, ou ava met li lo ou zepol e ale dan fernwanr. Ou ava maske ou figir pour ki ou pa war pei otour ou. Mon pe servi ou koman en siny lavertisman pour pep Izrael.

Ezekyel 5:2

Ou ava bril en tyer dan dife, dan milye lavil. Apre letan ki Zerizalenm in ganny anserkle in fini, pran en lot tyer ki ou ava koup koupe avek lepe otour lavil. Ou ava fann sa dernyen tyer dan divan e mwan, mon ava servi mon lepe kont Zerizalenm.

Danyel 11:17

I pou deside anmenn lafors son rwayonm antye avek li, pour etablir en lalyans. I pou fer son fiy marye avek lerwa Sid, pour li detri sa pei, me i pa pou reisi.

Levitik 2:5

Si ou ofer en lofrann vezetal kwi lo plak, i devre ganny fer avek lafarin meyer kalite, san lelven, petri avek delwil.

Levanzil dapre Lik 2:34

Simeon ti beni zot. Apre, i ti dir avek Mari: Sa pti zanfan in ganny swazir pour abes e relev bokou dimoun dan Izrael. I pou en siny kontradiksyon.

Ebre 2:4

Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.