Ezekyel 11:1 - Labib An Kreol Seselwa

¹ Lespri SENYER ti soulev mwan e anmenn mwan kot laport tanp lo kote Les. La, devan laport, ti annan 25 zonm. Parmi zot, mon ti war Yazanya, garson Azour, ek Pelatya, garson Benaya, de sef lepep.

Ezekyel 11:1 ပူးပေါင်းရင်းမြစ်များ

1 Rwa 18:12

Kan ki mon pou kit ou, lespri SENYER pou pran ou e anmenn ou, mon pa konnen kote; ler mon ava al fer mon rapor avek Akab, i pou touy mwan akoz i pa'n war ou, menm si mon annan gran respe pour SENYER depi mon lanfans.

2 Rwa 2:16

Zot ti dir li, “Parmi nou, ou bann serviter, i annan 50 brav zonm. Zot kapab al rod ou met. Kekfwa lespri SENYER in pran li e al zet li lo kek montanny, oubyen dan en vale.” I ti reponn, “Non, pa bezwen anvoy personn.”

2 Rwa 25:23

Ler tou sef bann troup, avek zot bann zonm, ti tande ki lerwa Babilonn ti'n nonm Gedalya, zot ti al Mispa kot Gedalya avek zot bann zonm: Ismael, garson Netanya, Yohanann, garson Karea, Seraya, garson Tanhoumet, en zabitan Netofat, ek Yaazania, garson en Maakatit; zot tou avek zot bann zonm.

Ezai 1:10

Dirizan Sodonm! Ekout parol SENYER! Pep Gomor! Ekout lansennyman nou Bondye!

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezekyel 10:19

Bann seriben ti bat zot lezel e mon ti war zot mont dan lezer. Bann larou ti mont avek zot. Zot ti apoz kot lantre lo kote Les tanp, e laglwar Bondye Izrael ti briye par lao zot.

Ezekyel 10:22

Zot figir ti resanble menm figir ki mon ti'n war lo bor larivyer Kebar. Sak seriben ti al drwat devan.

Ezekyel 11:13

Pandan ki mon ti pe transmet sa mesaz, Pelatya, garson Benaya ti mor. Alor, mon ti tonm lafas ater e mon ti kriy byen for, “Senyer BONDYE eski ou pou fer disparet leres pep Izrael?”

Ezekyel 11:24

Lespri ti soulev mwan e anmenn mwan dan vizyon par lespri Bondye, ziska kot bann egzile dan Babilonn. Alor, vizyon ki mon ti'n war ti disparet.

Ezekyel 22:27

Zot bann prens i parey loulou ki desir son viktim. Zot touy dimoun pour akapar zot byen.

Ezekyel 3:12

Apre, lespri Bondye ti soulev mwan; mon ti antann en gro tapaz deryer mwan en lavwa ti dir: Rann glwar SENYER kot son prezans i reste.

Ezekyel 3:14

Lespri ti soulev mwan e anmenn mwan. Mon ti irite e ofanse, me lanmen SENYER ti pez for lo mwan.

Ezekyel 37:1

SENYER ti sezi mwan; lespri SENYER ti anmenn mwan e depoz mwan dan milye en vale ki ti ranpli avek lezo.

Ezekyel 40:6

Apre, i ti al kot laport ki vir lo kote Les. I ti mont bann mars e mezir palye: I ti en mezir larzer. Sak palye ti en mezir larzer.

Ezekyel 41:1

Apre, sa zonm ti anmenn mwan dan gran lasal tanp. I ti mezir bann pilye; sak kote ti trwa met larzer.

Ezekyel 8:16

I ti anmenn mwan dan lakour enteryer kot lantre tanp SENYER ant vestibil ek lotel kot ti annan apepre 25 zonm. Zot ledo ti tourn avek tanp e zot figir ver Les, zot ti prosternen devan soley.

Ezekyel 8:3

En keksoz dan laform en lanmen ti sezi mwan par mon seve. Lespri ti soulev mwan ant later ek lesyel e transport mwan dan en vizyon dan Zerizalenm, devan lantre lo kote Nor dan tanp, kot zot ti'n plas sa stati zalouzi, ki provok zalouzi.

Oze 5:10

Bann sef Zida! Zot fer parey sa bann ki deplas bann taso balizaz; Mon pou devers lo zot mon lakoler, parey delo larivyer.

Akt de Zapot 8:39

Kan tou le de ti'n sorti dan delo, Lespri Senyer ti sezi Filip e anmenn li. Sa zofisye pa ti war li ankor, me i ti kontinyen son semen dan lazwa.

Revelasyon 1:10

Zour Senyer, mon ti ganny sezi par Lespri. Mon ti antann en lavwa for deryer mwan parey son en tronpet,