Ezai 66:3 - Labib An Kreol Seselwa

³ Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Ezai 66:3 ပူးပေါင်းရင်းမြစ်များ

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Proverb 21:27

Sakrifis bann malfeter i degoutan; anplis, zot ofer li avek move lentansyon.

Ezai 44:19

Personn pa reflesir dan li menm; personn napa lentelizans ek disernman pour dir: Mon'n bril lanmwatye sa dibwa; mon'n osi kwi manze lo labrez, mon'n roti lavyann ki mon'n manze. Aprezan mon pou fer en stati degoutan avek leres. Mon pou fer reverans devan en morso dibwa.

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Ezai 57:17

Mon ti ankoler akoz zot ti tro anvye. Alor, mon'n frap zot e mon'n kasyet anba mon lakoler. Me zot ti kontinyen swiv zot move semen dan revolt.

Ezai 65:12

mon pou fer zot ganny masakre e zot tou, zot pou tonm lo zot zenou pour ganny egorze. Annefe, mon ti apel zot, me zot pa ti reponn; ler mon ti koze, zot pa ti ekoute, me zot ti fer sa ki mal devan mwan e swazir sa ki pa fer mwan plezir.

Ezai 65:2

Mon'n ouver mon lebra tou lazournen ver en pep rebel, ki mars lo en move semen, ki swiv zot prop plan;

Ezai 66:17

SENYER i deklare: Tou sa bann ki konsakre zot e pirifye zot pour al dan bann zarden kot zot mars enn deryer lot, ki manz lavyann pork, bann zannimo degoutan. Zot tou, zot pou mor ansanm.

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Levitik 2:2

I ava anmenn sa lofrann kot bann pret, bann garson Aaron. En pret ava pran en ponnyen sa lafarin melanze avek delwil ek lansan, e bril lo lotel koman sa porsyon rezerve pour SENYER. Sa i en lofrann brile dan dife, ki anvoy en loder ki fer plezir SENYER.

Agze 2:14

Alor Agze ti dir, “La sa ki SENYER i deklare: Sityasyon sa pep, sa nasyon, tou zot travay i menm zafer devan mwan. Tou sa ki zot ofer i enpir.”

Deterononm 14:8

Ou pa pou manz koson; son sabo i fann an de, me i pa riminen; i enpir. Ou pa pou manz zot lavyann, ni tous zot kadav.

Deterononm 23:18

Ou pa pou anmenn dan tanp SENYER, ou Bondye, okenn larzan prostitisyon koman en lofrann remersiman pour nenport ki ve. Tousala i degoutan devan SENYER, ou Bondye.

Ziz 10:14

Ale! Al kriy avek sa bann bondye ki zot in swazir. Dir zot vin sov zot dan zot detres.”

Ziz 21:25

Dan sa lepok, ti napa lerwa dan Izrael. Sakenn ti fer sa ki i ti oule.

Ziz 5:8

Ler zot ti swazir bann nouvo bondye, lager ti devan laport lavil. Pa ti annan ni boukliye ni lans pour 40,000 zonm dan Izrael.