Ezai 50:8 - Labib An Kreol Seselwa

⁸ Sa enn ki pou fer mwan zistis i pros. Lekel ki pou afront mwan? Annou debout ansanm! Lekel mon lennmi? Les li vin konfront mwan.

Ezai 50:8 ပူးပေါင်းရင်းမြစ်များ

Revelasyon 12:10

Alor, mon ti antann en lavwa for sorti dan lesyel ki ti dir: Aprezan, letan delivrans, pwisans, renny nou Bondye, ek lotorite son Mesi in ganny etabli. Annefe, lakizater nou bann frer devan Bondye, lizour koman aswar, in ganny zet deor.

Ezai 41:1

La sa ki SENYER i deklare: Bann zil! Gard silans pour ekout mwan! Bann pep! Repran zot lafors. Aprose e koze! Ansanm, annou apros devan tribinal.

Ezai 43:26

Fer mwan rapel kwa ou repros mwan! Annou al devan ziz. Prezant ou ka e prouve ki ou annan rezon.

Ezai 41:21

SENYER i deklare: Prezant ou ka, Anmenn ou bann laprev, lerwa Zakob i deklare.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Matye 5:25

Si ou annan en zafer an kour kont en dimoun, depese fer zanmi avek li letan zot ankor dan semen; sinon, ou ladverser ava anmenn ou devan ziz. Ziz ava met ou dan lanmen gard e ou ava ganny met dan prizon.

Deterononm 19:17

tou le de parti dan sa zafer ava prezant zot devan SENYER, devan bann pret ek bann ziz an fonksyon.

Egzod 22:9

Pour tou bann zafer malonnet konsernan bef, bourik, mouton, lenz oubyen nenport lobze perdi, kot enn i ganny akize, sa de parti ava prezant zot devan Bondye. Sa enn ki Bondye i deklar koupab, i ava pey son prosen doub.

Liv Zob 13:19

Lekel ki pou vin akiz mwan devan tribinal? Mon aksepte alor pour gard silans e mon ava mor.

Psonm 119:151

Me ou SENYER! Ou pros e tou ou bann komannman i laverite.

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Ezai 45:25

Tou bann desandan Izrael ava ganny zistifye e zot ava met zot konfyans dan SENYER.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.