Ezai 2:6 - Labib An Kreol Seselwa

⁶ Desandan Zakob! Ou'n abandonn ou pep. Pei i ranpli avek mazik ek siperstisyon ki sorti dan Les, en kantite, parey kot bann Filisten; zot fer konpromi avek bann etranze.

Ezai 2:6 ပူးပေါင်းရင်းမြစ်များ

Romen 11:20

Sa i zis: Zot in ganny koupe akoz zot in mank lafwa, e ou, ou dan sa plas akoz ou lafwa. Me pa bezwen fer vantar. Fer plito atansyon.

2 Rwa 1:2

Akazya ti'n tonm par lafnet lasanm letaz dan Samari e i ti'n ganny blese. Alor, i ti anvoy son bann mesaze dir zot, “Al konsilte Baal-Zeboub, bondye Ekronn, pour konnen si mon pou byen.”

Lamantasyon 5:20

Akoz ou'n oubliy nou pour touzour? Eski ou pou abandonn nou tou dilon nou lavi?

Zeremi 10:2

La sa ki SENYER i deklare: Pa aprann sa ki lezot nasyon i pratike Pa per bann fenomenn ki pas dan lesyel parey lezot nasyon.

Ezai 8:19

Si i annan dimoun ki dir ou: Al konsilte bann dimoun mor ek bann lespri ki predir lavenir e rabase, eski i normal pour en pep konsilte son bann bondye ek dimoun mor an faver bann vivan?

Proverb 6:1

Mon garson! Si ou'n port ou garan anver ou prosen; si ou'n angaz ou pour en etranze;

Psonm 106:35

Me zot ti al melanz avek zot e aprann zot bann pratik.

Nehemi 13:23

Dan sa menm lepok, mon ti war bann Zwif ki ti marye avek bann fanm sorti Asdod, Amonn, Moab.

2 Kronik 24:20

SENYER ti enspir Zakari, garson Yoyada, avek son lespri. Zakari ti debout devan lepep. I ti dir zot, “La sa ki Bondye i deklare: Zot in transgres komannman SENYER, zot pa kapab prospere. Akoz zot in abandonn SENYER, li osi in abandonn zot.”

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

1 Kronik 10:13

Sail ti mor akoz i pa ti fidel anver SENYER; i pa ti obei komannman SENYER. I ti'n osi al konsilte lespri bann mor.

Nonm 23:7

Balaanm ti pronons sa profesi: Balak in fer mwan vini sorti Aranm, lerwa Moab in fer mwan desann sorti Siri, dan bann montanny dan Les. Vini! Modi Zakob! Vini! Al menas Izrael avek malediksyon!

Levitik 20:6

Sa enn ki al konsilte bann medyonm ek lespri dimoun mor pour li prostitye son lekor, mon pou tourn kont li e sas li parmi lepep.

Levitik 19:31

Pa konsilte bann lespri dimoun mor, ni bann lespri divinasyon; pa al rod zot, akoz zot ava rann ou enpir. Mwan menm SENYER zot Bondye.

Egzod 34:16

Zot ava osi fer ou garson marye avek zot bann fiy ki ava antrenn ou bann zanfan e fer zot prostitye avek zot bann bondye.

Egzod 22:18

Ou pa pou permet en sorsye viv.

1 Samyel 6:2

Alor, bann Filisten ti apel bann pret ek bann mazisyen. Zot ti demande, “Ki nou pou fer avek Kof SENYER? Dir nou ki mannyer nou pou fer li retourn kot li.”

Ezai 14:29

Bann Filisten pa bezwen rezoui, akoz sa baton ki pe tap lo zot in ganny kase. Annefe, en viper pou sorti dan kadav en serpan, dan sa viper pou sorti en dragon volan.

Zeremi 12:7

La sa ki SENYER i deklare: Mon'n abandonn Izrael; Mon'n rezet mon nasyon prefere. Mon'n livre sa pep ki mon kontan dan lanmen son bann lennmi.

Mise 5:12

Mon pou detri tou sorsye kot ou; pou nepli annan deviner, kot ou.

Sofoni 1:8

Zour sakrifis SENYER, mon pou regle kont avek bann sef, bann garson lerwa, e tou bann ki met bann lenz etranze.

2 Rwa 17:20

SENYER ti rezet tou bann desandan Izrael; i ti pini zot, e livre zot dan lanmen bann nasyon ki ti depouy zot, ziska ki i ti sas zot lwen avek li.

Mise 5:11

Mon pou detri tou lavil dan ou pei e demoli ou bann fortres.