Ezai 15:9 - Labib An Kreol Seselwa

⁹ Larivyer Dibonn i ranpli ek disan. Me plis maler pou ariv lo dimoun: En lyon pou atak bann sirvivan Moab ek bann ki'n reste deryer dan pei.

Ezai 15:9 ပူးပေါင်းရင်းမြစ်များ

2 Rwa 17:25

Kan zot ti konmans reste la, zot ti napa respe pour SENYER, e SENYER ti anvoy bann lyon ki ti touy bokou parmi zot.

Ezai 15:8

Tou teritwar Moab i rezonnen avek lapel osekour. Sa bann lamantasyon i ariv ziska Eglaim; i ganny tande ziska Beer-Elim.

Zeremi 15:3

La sa ki SENYER i deklare: Mon'n deside azir kont zot par kat maler: Touye dan lager; desire par bann lisyen; devore par zwazo ek zannimo sovaz.

Zeremi 50:17

Izrael i parey en mouton egare ki bann lyon pe atake. Lerwa Lasiri ti premye pou devor li. Dernyen, Naboukodonozor, lerwa Babilonn in vin kraz son bann lezo.

Levitik 26:18

Si malgre tousala, zot pa ekout mwan, mon pou kontinyen pini zot set fwa plis ankor pour zot pese.

Levitik 26:24

mwan osi, mon pou reste kont zot. Mon pou pini zot set fwa plis pour zot bann pese.

Levitik 26:28

mwan osi, mon pou osi kontinyen opoz zot avek lakoler. Mon pou koriz zot set fwa plis pour zot bann pese.

Amos 5:19

Sa zour pou parey en zonm ki pe taye devan en lyon, pour li rankontre en lours, kan i rantre kot li, i apiy son lanmen kont miray e en serpan i pik li.

Nonm 21:30

Nou'n masakre zot depi Hesbonn ziska Dibonn; nou'n devaste tou ziska Nofa, ki tous avek Medba.