Ester 9:30 - Labib An Kreol Seselwa

³⁰ Bann let ti ganny anvoye kot tou bann Zwif dan 127 provens lerwa Zerzes, avek mesaz lape ek fidelite,

Ester 9:30 ပူးပေါင်းရင်းမြစ်များ

Zenez 23:1

Sara ti viv ziska laz 127 an.

Ester 1:1

Sa ti ariv dan letan Zerzes, sa menm lerwa Zerzes ki ti renny lo 127 provens, depi Lenn ziska Letyopi.

Ester 8:9

Sa menm zour, venntrwazyenm zour dan trwazyenm mwan ki mwan Sivan, bann sekreter lerwa ti ganny konvoke. En lalwa ti ganny ekri lo tou sa ki Mardose ti dir konsernan bann Zwif, e adrese avek bann reprezantan lerwa, bann gouverner ek bann fonksyonner enportan dan tou bann provens, depi Lenn ziska Letyopi; 127 provens an tou, sak provens dapre son prop lekritir e sak pep dan son prop langaz e pour tou bann Zwif osi, dapre zot prop lekritir e zot prop langaz.

Psonm 73:27

Annefe, dimoun ki lwen avek ou pou disparet; ou detri sa bann ki abandonn ou.

Ezai 32:17

Lazistis pou anmenn lape. Lazistis pou anmenn trankilite ek sekirite pour touzour.

Ezai 39:8

Ezekyas ti dir Ezai, “Parol SENYER ki ou'n dir mwan i bon.” I ti pe mazinen dan li menm: Pou annan lape ek sekirite pandan mon lavi.

Zakari 8:19

La sa ki SENYER liniver i deklare: Zenn ki ou fer dan katriyenm mwan, zenn ki ou fer dan senkyenm mwan, zenn ki ou fer dan setyenm mwan e zenn ou fer dan dizyenm mwan, pou vin pour tribi Zida bann zour lazwa, rezouisans ek lafet. Alor, kontan laverite ek lape.