Ester 9:20 - Labib An Kreol Seselwa

²⁰ Mardose ti ekri tousala dan bann let ki i ti anvoy kot tou bann Zwif dan tou provens lerwa Zerzes, pre ou lwen.

Ester 9:20 ပူးပေါင်းရင်းမြစ်များ

1 Kronik 16:12

Rapel son bann mervey ki i'n fer, Son bann gran keksoz ek bann zizman ki i'n anonse,

Ester 1:1

Sa ti ariv dan letan Zerzes, sa menm lerwa Zerzes ki ti renny lo 127 provens, depi Lenn ziska Letyopi.

Ester 1:22

I ti anvoy bann let dan tou bann provens rwayal, dan sak provens dapre son lekritir e sak pep dapre son langaz, ki deklare ki tou zonm i devre sef dan son prop lakaz e zot devre servi lalang maternel.

Ester 3:12

Trezyenm zour premye mwan, bann sekreter lerwa ti ganny konvoke. Parey sa ki Haman ti'n ordonnen, en lord ti ganny ekri e anvoye kot tou bann reprezantan lerwa e bann gouverner dan tou bann provens e kot tou bann sef parmi lepep, kot sak nasyon dapre son lekritir ek son langaz. Sa lord ti'n ganny ekri e sinyen o non lerwa Zerzes e sele avek stanp lerwa.

Ester 8:9

Sa menm zour, venntrwazyenm zour dan trwazyenm mwan ki mwan Sivan, bann sekreter lerwa ti ganny konvoke. En lalwa ti ganny ekri lo tou sa ki Mardose ti dir konsernan bann Zwif, e adrese avek bann reprezantan lerwa, bann gouverner ek bann fonksyonner enportan dan tou bann provens, depi Lenn ziska Letyopi; 127 provens an tou, sak provens dapre son prop lekritir e sak pep dan son prop langaz e pour tou bann Zwif osi, dapre zot prop lekritir e zot prop langaz.

Ester 9:19

Pour sa rezon ki bann Zwif dan vilaz e ki reste dan bann lavil san miray proteksyon zot fer sa katorzyenm zour mwan Adar en zour lafet ek selebrasyon; sakenn i anvoy kado kot son vwazen.

Ester 9:21

I ti demann zot obzerv katorzyenm zour mwan Adar ensi ki kenzyenm zour sa mwan, toulezan,

Ester 9:26

Pour sa rezon ki sa bann zour i ganny apele Pourim, dapre sa mo Pour ki vedir tir osor. Alor, dapre sa ki ti'n ganny ekri dan sa let e tou sa ki'n ariv zot e difikilte ki zot in pas ladan,

Ester 9:27

bann Zwif ti etabli e aksepte sa koutim ki pa devre zanmen sanze pour zot e zot bann desandan ki ava vin Zwif: San fot, zot pou gard sa de zour, dapre sa ki'n ganny ekri e dan menm lepok sak lannen.

Ester 9:29

Alor, larenn Ester, fiy Abihail, avek Zwif Mardose, ti ekri en dezyenm let, pour konfirm avek tou zot lotorite, sa let konsernan Pourim.

Egzod 17:14

SENYER ti dir Moiz, “Ekri sa koman en souvenir e fer Zozye konnen ki mon pou fer disparet bann Amalesit konpletman anba lesyel.”

Zeremi 29:1

La let ki profet Zeremi ti anvoy depi Zerizalenm, kot restan bann ansyen, pret, profet, sef pei e tou leres dimoun ki Naboukodonozor ti'n deporte Babilonn koman prizonnyen depi Zerizalenm.