Ester 8:17 - Labib An Kreol Seselwa

¹⁷ Dan sak provens e dan sak lavil, partou kot lord ek lalwa lerwa ti arive, bann Zwif ti dan lazwa; ti en zour lafet. Bokou parmi lepep dan pei ti deklar zot Zwif, akoz zot ti'n per bann Zwif.

Ester 8:17 ပူးပေါင်းရင်းမြစ်များ

Zenez 35:5

Pandan ki zot ti pe ale, lafreyer Bondye ti tonm lo bann lavil otour zot, e personn pa ti pourswiv bann garson Zakob.

Nehemi 8:10

Apre, Esdras ti dir zot, “Ale! Manz bann bon pla gra e bwar bann liker dou; anvoy en pe pour bann ki pa'n prepar nanryen, akoz sa zour i sakre pour nou SENYER. Pa bezwen pran lapenn, akoz lazwa SENYER i zot lafors!”

Ester 9:17

Sa ti ariv trezyenm zour mwan Adar. Katorzyenm zour, zot ti repoze, fer lafet e selebre.

Ester 9:19

Pour sa rezon ki bann Zwif dan vilaz e ki reste dan bann lavil san miray proteksyon zot fer sa katorzyenm zour mwan Adar en zour lafet ek selebrasyon; sakenn i anvoy kado kot son vwazen.

Ester 9:2

Bann Zwif ti rasanble ansanm dan zot bann lavil atraver tou bann provens lerwa Zerzes, pour atak sa bann ki ti'n rod detri zot. Personn pa ti kapab reziste zot, akoz lepep antye ti'n ranpli avek lafreyer.

Ester 9:22

koman bann zour ki bann Zwif ti ganny debarase avek zot bann lennmi, koman bann zour dan sa mwan, kot zot tristes ti ganny transformen an lazwa e zot maler en boner; ki zot ti devre fer sa bann zour koman bann zour lafet ek selebrasyon, bann zour pou anvoy kado kanmarad ek bann pov.

Ester 9:27

bann Zwif ti etabli e aksepte sa koutim ki pa devre zanmen sanze pour zot e zot bann desandan ki ava vin Zwif: San fot, zot pou gard sa de zour, dapre sa ki'n ganny ekri e dan menm lepok sak lannen.

Ester 9:3

Tou bann fonksyonner enportan dan bann provens, bann reprezantan lerwa, bann gouverner ek bann zofisye lerwa ti pe siport bann Zwif, akoz zot ti'n per Mardose.

Psonm 105:38

Bann Ezipsyen ti kontan ler zot ti'n ale, akoz lafreyer ti'n sezi zot.

Psonm 18:43

Ou delivre mwan kont soulevman lepep. Ou fer mwan sef bann nasyon. En pep ki mon pa konnen in vin mon serviter.

Egzod 15:16

Lafreyer ek laper in tonm lo zot. Par lafors ou lebra, zot perdi laparol, parey en ros, ziska ki ou pep SENYER, in fini pase, ziska ki sa pep SENYER, ki ou'n sove, in fini pase.

Deterononm 11:25

Personn pa pou kapab afront zot. Parey in promet zot, SENYER, zot Bondye ava senm laper ek lafreyer dan tou pei kot zot ava poz zot lipye.

Deterononm 2:25

Apartir ozordi, mon pou fer tou bann pep lo later, per ou. Ler zot ava antann koz lo ou, zot ava tranble avek lafreyer akoz ou.

Zozye 2:11

De ki nou ti aprann sa nouvel, nou ti perdi kouraz, nou lebra ti tonbe akoz zot. Annefe, SENYER, zot Bondye i sa Bondye lao dan lesyel, e anba lo later.

Zozye 2:9

I ti dir zot, “Mon konnen ki SENYER in donn zot sa pei, e lafreyer in tonm lo nou, e tou zabitan sa pei pe tranble devan zot.

1 Samyel 25:8

Demann ou bann serviter e zot ava dir ou. Mon demann ou tret byen mon bann zonm, akoz nou'n vin dan en zour lafet. Alor, donn ou bann serviter ek ou garson David, tou sa ki ou kapab poz lanmen lo la.