Ester 2:9 - Labib An Kreol Seselwa

⁹ Sa fiy ti fer li plezir e i ti ganny son faver. Deswit, i ti fourni li tou bann prodwi labote neseser, ek son rasyon manze. I ti osi swazir pour li set servant dan pale lerwa e plas li avek son bann zenn servant dan meyer plas dan lakour rwayal.

Ester 2:9 ပူးပေါင်းရင်းမြစ်များ

Zenez 39:21

SENYER ti avek Zozef; i ti montre son labonte anver li. Zozef ti ganny faver avek sa komandan prizon,

Zenez 39:4

Potifar ti bon anver Zozef. I ti pran li dan son servis e anmenn li dan son lakaz. I ti met li ansarz son lakour ek tou sa ki i ti posede.

1 Rwa 8:50

Ou ava pardonn ou pep ki'n fer pese kont ou; ou ava pardonn li tou krim ki i'n komet. Ou ava annan konpasyon anver sa bann ki pe gard zot prizonnyen, pour ki zot osi, zot montre konpasyon

Esdras 7:6

Sa Esdras ki sorti Babilonn, ti en skrib, eksper dan lalwa Moiz ki SENYER, ki Bondye Izrael ti donn li. Lanmen SENYER, son Bondye, ti avek li; lerwa ti donn li tou sa ki i ti demande.

Nehemi 2:8

Donn mwan osi en let pour Asaf, gardyen lafore rwayal, pour ki i fourni mwan dibwa pour fer bann laport sitadel ki pre avek tanp, pour miray lavil e pour lakaz kot mon pou reste.” Lerwa ti aksepte sa ki mon ti'n demann li, akoz mon ti anba proteksyon Bondye.

Ester 2:12

Alafen 12 mwan, dapre regilasyon pour bann fanm, tour sakenn bann zenn fiy pour al kot lerwa Zerzes ti arive. Bann zenn fiy dan lakour rwayal ti devre swiv tretman labote pour bann fanm pandan enn an. Pandan sis mwan avek delwil lamir, e apre, sis mwan avek bann prodwi parfen ek lezot prodwi pour fanm.

Ester 2:3

Nonm bann enspekter dan tou bann provens ou rwayonm, pour zot rasanble bann zoli zenn fiy vyerz, pour met dan lakour rwayal ki dan kapital Siz, anba sirveyans Hegai, enik lerwa ki annan responsabilite tou son bann fanm; fourni zot avek tou zot bann prodwi labote.

Ester 5:2

Ler i ti war larenn Ester pe debout dan lakour, sa ti fer li gran plezir; i ti prezant Ester son baton annor ki ti dan son lanmen. Ester ti aprose e tous bout sa baton.

Psonm 106:46

I ti fer tou sa bann ki ti pe gard zot koman prizonnyen pran pitye pour zot.

Proverb 16:7

Kan SENYER i kontan avek mannyer fer en zonm, i rekonsilye son prop lennmi avek li.

Danyel 1:9

Bondye ti permet ki Danyel i ganny faver ek konpasyon sa sef personnel pale.

Akt de Zapot 7:10

I ti delivre li dan tou son bann difikilte. Bondye ti fer Zozef ganny faver Faraon, lerwa Lezip, ki ti etabli li koman gouverner Lezip ek son pale.