Ester 1:19 - Labib An Kreol Seselwa

¹⁹ Si sa i paret bon pour ou, Mazeste, lerwa, fer en deklarasyon ki pa kapab sanze, ki ganny ekri dan bann lalwa Medi ek Lapers, ki Vasti napa drwa vin ankor kot lerwa Zerzes, ki lerwa i donn son tit rwayal avek en lot fanm ki pli merite ki li.

Ester 1:19 ပူးပေါင်းရင်းမြစ်များ

1 Rwa 3:28

Pep Izrael antye ti antann sa zizman ki lerwa ti'n donnen; zot ti ranpli avek respe pour li. Zot ti rekonnet ki annefe, Bondye in donn li lasazes pour rann lazistis.

Ester 1:18

Ozordi menm, fanm bann sef Lapers ek Medi ki'n okouran konportman larenn, pou revolte kont bann zofisye lerwa e sa pou anmenn mepri ek lakoler.

Ester 1:21

Sa deklarasyon ti fer plezir lerwa ek bann fonksyonner, e lerwa ti azir dapre sa ki Memoukann ti'n propoze.

Ester 2:1

Apre sa bann levennman, ler lakoler lerwa Zerzes ti'n tonbe, i ti mazin Vasti, sa ki i ti'n fer e desizyon ki i ti'n pran kont li.

Ester 3:9

Si lerwa i war bon, fer pibliy en dekre ki ordonn zot destriksyon, e mwan, mon ava pey 300 tonn larzan, dan lanmen bann zofisye ki ansarz ladministrasyon bann zafer lerwa, pour depoz dan trezor lerwa.”

Ester 8:5

e Ester ti leve e debout devan lerwa. I ti dir, “Si mon ganny faver lerwa, si i fer plezir lerwa e si lerwa i trouve ki sa i byen, mon demande ki en lord i ganny ekri pour anil bann let ki'n ganny ekri par Haman, garson Hamedata en desandan Agag, pour fer masakre bann Zwif ki viv dan tou bann provens lerwa.

Ester 8:8

Aprezan, o non lerwa, ou kapab ekri sa ki ou oule konsernan bann Zwif, e sel li avek sele rwayal, akoz en lalwa ekri lo non lerwa e sele avek son stanp, pa kapab ganny anile.”

Danyel 6:17

Zot ti met en ros devan lantre kavern; lerwa ti poz lo la son sele avek son bag personnel e avek bag son bann gran zofisye, pour ki nanryen pa ganny sanze konsernan Danyel.

1 Samyel 15:28

Samyel ti dir, “Ozordi, SENYER in desir rwayonm Izrael, pour li pran avek ou, e donn li avek en lot ki meyer ki ou.