Esdras 10:1 - Labib An Kreol Seselwa

¹ Letan Esdras ti pe priye e konfes son pese an pleran devan tanp Bondye, en gran lafoul dimoun: Zonm, fanm, ek zanfan sorti parmi pep Izrael antye, ti rasanble otour li, e zot ti plere asodlarm.

Esdras 10:1 ပူးပေါင်းရင်းမြစ်များ

1 Rwa 8:30

Ekout siplikasyon ou serviter ek ou pep Izrael ler nou pou vin priye dan sa landrwa. Ekoute, depi ou demer dan lesyel! Ekoute, e pardonnen.

1 Rwa 9:3

SENYER ti dir li: Mon'n antann ou lapriyer ek ou bann siplikasyon ki ou'n fer monte devan mwan. Mon konsakre sa lakaz ki ou'n konstri, en landrwa kot mon pou plas mon non pour touzour. Mon regar ek mon leker pou la toultan.

2 Kronik 20:13

Alor, tou bann zonm Zida ti debout devan SENYER avek zot fanm ek zot bann zanfan.

2 Kronik 20:9

Si zanmen en maler i tonm lo nou en zour, swa par lager, swa par en lepidemi, ouswa lafanmin, nou pou vin plas nou devan sa tanp, devan ou, akoz ou prezans i la dan sa sanktyer. Dan nou maler, nou pou kriy ver ou, ou pou antann nou e ou pou sov nou.

Esdras 10:6

Apre, Esdras ti sorti kot i ti ete devan tanp Bondye e al pas lannwit dan en lasanm kot Yohanann, garson Eliasib. I pa ti ni manze, ni bwar, akoz i ti an dey pour bann move aksyon ki bann ansyen deporte ti'n komet.

Nehemi 1:4

Kan mon ti antann sa bann parol, mon ti asiz e plere. Pandan plizyer zour, mon ti pe port dey, e mon ti kontinyen zene e priye devan Bondye ki dan lesyel.

Nehemi 1:6

Ekout avek atansyon, ouver ou lizye, ekout lapriyer ki mwan ou serviter mon pe adres ou. Mon pe priy devan ou nwit e zour pour ou bann serviter, pep Izrael; mon rekonnet pese pep Izrael ki nou'n komet kont ou. Mwan ek mon fanmir, nou'n fer pese kont ou.

Nehemi 10:28

Leres lepep: Pret, levit, portye, santer, serviter tanp, ek tou bann ki ti'n separe avek bann pep lezot pei, pour swiv lalwa Bondye, ensi ki zot fanm, zot bann garson, zot bann fiy, e tou bann ki ti kapab konpran,

Nehemi 8:9

Gouverner Nehemi, pret e skrib Esdras, ek bann levit ki ti pe ansennyen, ti dir lepep antye, “Sa zour i sakre pour SENYER, zot Bondye. Pa bezwen port dey ni plere.” Annefe, lepep antye ti pe plere ler zot ti pe ekout parol lalwa.

Psonm 119:136

Mon larm i koule parey en larivyer, akoz dimoun pa obei ou lalwa.

Psonm 32:5

Me, mon'n avoue mon pese avek ou; mon pa'n kasyet mon fot. Mon ti dir: Mon pou konfes mon pese avek SENYER. Alor, ou ti pardonn mwan mon pese.

Zeremi 13:17

Si, akoz ou vantardiz, ou pa ekoute, mon pour al asiz dan mon kwen. Mon pou al pler bokou, akoz troupo SENYER pe ganny deporte.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Danyel 9:20

Mon ti ankor pe koze, mon ti pe priye pour demann pardon mon pese ek pese mon pep, Izrael, e prezant mon siplikasyon devan SENYER, mon Bondye an faver montanny sakre mon Bondye.

Oze 14:2

Anmenn parol avek ou e retourn kot SENYER. Dir li: Pardonn tou nou bann krim; aksepte sa ki bon; dan plas toro, nou ofer ou bann fri nou labous.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Matye 3:6

Zot ti rekonnet piblikman zot pese e Zan ti batiz zot dan larivyer Zourden.

Levanzil dapre Lik 19:41

Kan Zezi ti apros Zerizalenm, i ti get sa lavil e i ti plere.

Akt de Zapot 10:30

Korney ti reponn, “I annan trwa zour, apepre sa ler, mon ti pe priye ver 3 er apremidi, parey labitid. Toutakou, mon ti war en zonm dan en lenz blan, klate, debout devan mwan.

Akt de Zapot 21:5

Me apre en semenn, nou ti kontiny nou vwayaz. Zot tou, avek zot fanm ek zot zanfan, ti kondwir nou ziska an deor lavil. Nou ti azenou lo bor lanmer e nou ti priye.

Romen 9:2

Wi, mon dan en gran tristes e mon annan en douler kontinyel dan mon leker.

Deterononm 31:12

Ou ava rasanble lepep: Zonm, fanm, zanfan, etranze ki pe reste dan ou bann lavil, pour ki zot antann e aprann respe pour SENYER, ou Bondye e obzerv byen tou bann parol sa lalwa.

Zozye 7:6

Alor, Zozye, ensi ki bann ansyen dan Izrael, ti desir zot lenz, tonm lafas ater devan Kof Lalyans SENYER, ziska aswar. Zot ti zet lapousyer lo zot latet.

Zozye 8:35

Zozye ti lir tou bann parol ki Moiz ti'n ordonnen, devan bann fanm, bann fanmir antye, ek bann etranze ki ti pe viv parmi zot.