Egzod 8:29 - Labib An Kreol Seselwa

²⁹ Moiz ti dir, “Koman mon ale, mon pou priy SENYER. Demen, bann lesen mous ava kit Faraon, son bann lantouraz ek tou son pep. Me, fodre pa ki Faraon i kontinyen tronp mwan e refize les pep Izrael al ofer sakrifis pour SENYER.”

Egzod 8:29 ပူးပေါင်းရင်းမြစ်များ

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Egzod 8:15

Me ler Faraon ti war ki ti nepli annan danze, i ti andirsi son leker e parey SENYER ti'n dir, i pa ti ekout zot.

Egzod 8:8

Faraon ti apel Moiz ek Aaron. I ti dir zot, “Priy SENYER pour tir sa bann grenouy kot mwan e kot mon pep. Answit, mon ava les bann Izraelit al ofer bann sakrifis pour zot SENYER.”

Egzod 9:30

Me mon konnen ki ou ek ou bann serviter, zot pa pou annan ankor respe pour SENYER Bondye.”

Zeremi 42:4

Profet Zeremi ti reponn zot, “Dakor! Mon ava priy SENYER zot Bondye parey zot in demann mwan. Apre, mon ava fer zot konnen ki repons SENYER i donnen; mon pa pou kasyet zot nanryen.”

Galat 6:7

Pa bezwen tronp ou lekor: Personn pa kapab provok Bondye. Dimoun i rekolte sa ki i'n senmen.