Egzod 40:20 - Labib An Kreol Seselwa

²⁰ Moiz ti pran plak ros lalyans e met dan Kof Lalyans; i ti met bann bar lo Kof e plas kouvertir lo Kof Lalyans.

Egzod 40:20 ပူးပေါင်းရင်းမြစ်များ

1 Rwa 8:9

Dan Kof Lalyans, ti annan zis sa de plak ros ki Moiz ti met ladan depi montanny Horeb, kot SENYER ti fer lalyans avek pep Izrael, ler zot ti sorti Lezip.

1 Kronik 15:3

David ti rasanble pep Izrael antye Zerizalenm, pour transport Kof Lalyans SENYER dan son plas ki ti'n prepare pour li.

2 Kronik 5:10

Dan Kof Lalyans, ti annan zis sa de plak ros lalwa ki Moiz ti met ladan, lo montanny Horeb, kot SENYER ti fer en lalyans avek pep Izrael, apre ki zot ti'n sorti Lezip.

Psonm 40:8

Mon Bondye! Mon oule fer ou lavolonte. Ou lalwa in grave dan fon mon leker.

Egzod 16:34

Parey SENYER ti'n ordonnen avek Moiz, Aaron ti plas sa po lamann devan bann plak Temwannyaz pour ki i ganny konserve.

Egzod 26:34

Ou ava plas plak kouvertir lo Kof Temwannyaz dan Lasal Tre Sen.

Egzod 31:18

Apre ki i ti'n fini koz avek Moiz lo montanny Sinai, Bondye ti donn li sa de plak an ros, bann komannman ki i ti'n ekri avek son ledwa.

Egzod 40:19

I ti tal latant lo sanktyer e met kouvertir latant lo la, parey SENYER ti'n ordonn li.

Egzod 40:3

Ou ava met Kof Temwannyaz ladan e ou ava kouver li avek rido separasyon.

Matye 3:15

Me Zezi ti reponn li, “Aksepte pour konmela. Annefe, konmsa ki nou devre fer tou sa ki Bondye i demande.” Alor, Zan ti aksepte.

Romen 10:4

Annefe, Kris i anmenn Lalwa Moiz ver son bit, pour ki tou dimoun ki krwar i ganny zistifye devan Bondye.

Romen 3:25

Bondye in ofer Kris an sakrifis, pour ki par lanmor Kris, sa bann ki krwar dan li i ganny pardon pese. Bondye in fer sa pour montre ki i touzour zis. Annefe, i ti zis dan letan pase, kan i ti montre son pasyans. I pa ti pini zonm pour son pese.

Deterononm 10:5

Alor, mon ti vire e desann montanny. Mon ti met sa de plak ros dan kof ki mon ti'n fer. Zot ti reste la, parey SENYER ti'n ordonn mwan.

Ebre 4:16

Alor, annou apros avek konfyans devan tronn lagras Bondye, pour ki nou ganny pardonnen e trouv lagras pour ed nou dan bon moman.

Ebre 9:4

La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.

1 Zan 2:2

I'n ofer li menm, koman sakrifis pour nou ganny pardon nou pese. Pa zis pour nou, me osi pour pese lemonn antye.