Egzod 38:20 - Labib An Kreol Seselwa

²⁰ Tou bann pike pour lakour sanktyer e pour lakour toultour ti an bronz.

Egzod 38:20 ပူးပေါင်းရင်းမြစ်များ

2 Kronik 3:9

Bann klou ki zot ti servi ti pez plis ki 500 granm lor. Plafon osi ti kouver avek lor.

Esdras 9:8

Me la, SENYER nou Bondye, pour en pti pe letan, ou'n montre nou ou faver. Ou'n permet ki i reste detrwa sirvivan parmi nou pep e akord nou en landrwa, dan ou pei sakre. Nou Bondye in ouver nou lizye e redonn nou en pe lespwar dan nou lesklavaz.

Egzod 27:19

Tou bann istansil pour servis latant sakre, tou bann pike pour latant e tou bann pike pour lakour ava an bronz.

Egzod 38:19

Sa kat kolonn avek zot kat sipor ti an bronz; bann krose ek zot bann treng ti annarzan; latet bann kolonn ti kouver avek larzan.

Egzod 38:21

La lalis bann depans pour sanktyer, demer temwannyaz, ki ti ganny etabli lo lord Moiz, par bann levit, anba direksyon Itamar, garson pret Aaron.

Eklezyas 12:11

Parol bann zonm saz i parey en baton byen pwent e sa bann ki'n ekri li i parey en klou byen anfonse. Tousala, Bondye, sel berze ki'n enspir zot.

Ezai 22:23

Mon pou etabli li byen, parey en pike byen anfonse dan en landrwa solid. I pou ganny en tit ki pou fer loner son zanset.

Ezai 33:20

Get lo kote Siyon, lavil kot nou fer lafet! Ou lizye ava war Zerizalenm, sa landrwa trankil; son latant pa pou zanmen ganny demonte; son bann pike pa pou zanmen ganny arase e okenn son bann lakord pa pou kase.

Kolosyen 2:19

Zot pa reste atase avek Kris ki latet. Annefe, latet ki kontrol lekor antye e ki donn li tou sa ki neseser. Par li, tou i reste ini ansanm: Son bann zwentir, artikilasyon, ek misk, tou ansanm, Bondye ki fer li grandi.