Egzod 22:20 - Labib An Kreol Seselwa

²⁰ Sa enn ki ofer sakrifis en lot bondye apard mwan, SENYER, ava ganny detri konpletman.

Egzod 22:20 ပူးပေါင်းရင်းမြစ်များ

1 Rwa 18:40

Eli ti dir zot, “Sezi sa bann profet Baal; pa les en sel sove.” Zot ti atrap sa bann profet; Eli ti anmenn zot kot larivyer Kisonn kot i ti egorz zot.

2 Rwa 10:25

Osito ki i ti'n fini ofer bann sakrifis konplet, Zehou ti dir bann gard ek bann zofisye, “Antre e touy zot; pa les personn sape.” Bann gard ek bann zofisye ti masakre zot e zet zot an deor lavil. Apre, zot ti rantre dan lavil kot tanp Baal;

2 Kronik 15:13

Zenn koman vye, zonm koman fanm ki pa tourn ver SENYER, Bondye Izrael, i merit lanmor.

Egzod 23:9

Ou pa pou maltret en etranze ki reste parmi zot; zot menm, zot konn lavi en etranze. Zot osi, zot ti bann etranze Lezip.

Egzod 32:8

Zot pa'n tarde pour sanz semen ki mon ti'n ordonn zot; zot in fer en pti toro annor. Zot in prostern devan li e ofer li sakrifis. Zot in dir: Izrael! La zot bann bondye ki'n tir zot dan Lezip.”

Egzod 34:15

Pa fer okenn lalyans avek bann zabitan sa pei, akoz si ou prostitye avek zot bann bondye e ofer zot bann sakrifis, zot ava kapab envit ou e manz sakrifis ki zot ofer zot bondye.

Ezekyel 20:7

Mon ti dir zot: Sakenn parmi zot, abandonn sa bann lobze degoutan ki zis atir regar! Pa rann zot enpir avek bann zidol Lezip. Mwan menm Senyer BONDYE.

Levitik 17:7

Konmsa, zot ava arete ofer zot sakrifis avek bann bondye dan laform bouk avek ki zot fer prostitisyon. Sa i ava en regleman pour zot, pour tou bann zenerasyon.

Levitik 19:33

Pa eksplwat en etranze ki vin reste dan ou pei.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Nonm 21:3

SENYER ti antann zot e i ti livre bann Kananeen dan lanmen bann Izraelit ki ti detri zot konpletman avek zot bann lavil. Zot ti apel sa landrwa Horma, savedir Destriksyon.

Deterononm 10:18

I defann drwa bann orfelen ek bann vev; i kontan bann etranze, i donn zot manze ek lenz.

Deterononm 18:20

Me nenport ki profet ki koz lo non lezot bondye, oubyen ki pretann koz lo mon non e ki dir en parol ki mon pa'n ordonn li, sa profet pou bezwen ganny touye.

Deterononm 23:8

Bann zanfan ki'n ne apartir trwazyenm zenerasyon, ava kapab fer parti lasanble SENYER.

Deterononm 24:17

Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.