Egzod 21:6 - Labib An Kreol Seselwa

⁶ alor, son met ava anmenn li devan Bondye. I ava anmenn li kot montan laport e i ava pers son zorey avek en pwenson. Sa zonm ava vin son lesklav pour lavi.

Egzod 21:6 ပူးပေါင်းရင်းမြစ်များ

1 Rwa 12:7

Zot ti dir li, “Si ou montre ou koman en serviter anver sa pep, si ou servi zot byen, e koz byen avek zot, zot ava vin ou serviter pour touzour.”

Psonm 82:1

Bondye i pran son plas dan lasanble bann bondye dan lesyel. I ziz zot:

Egzod 12:12

Sa swar, mon pou travers Lezip e mon pou touy tou premye ne dan Lezip, dimoun koman zannimo. Mon pou egzekit zizman lo bann bondye Ezipsyen: Mwan menm SENYER.

Egzod 21:22

Si dan en bagar parmi bann zonm en fanm ansent i ganny afekte, e son baba i ne avan son term san gran dimal, sa zonm ki ti tap li ava pey domaz ki mari sa fanm i demande, e ki ziz ava aprouve.

Egzod 21:5

Si sa lesklav i deklare ki i kontan son met, son fanm ek son bann zanfan e ki i pa pou kit zot,

Egzod 21:7

Kan en zonm i vann son fiy pour fer li vin en lesklav, sa fiy pa pour reganny laliberte parey bann lesklav zonm.

Egzod 22:28

Ou pa pou ensilte Bondye, ni maltret en dirizan ou pep.

Ezai 1:26

Mon pou retabli ou bann ziz parey lontan ou bann konseye parey avan. Alor, ou pou ganny apele: Lavil lazistis. Lavil fidel.

Levitik 25:23

Later pa pou ganny vann dan en fason definitif; pei i pour mwan. Zot se mwan koman bann etranze e bann viziter.

Levitik 25:40

I ava reste kot ou koman en anplwaye oubyen en viziter. I ava reste koman en serviter ziska lannen zibile.

Sofoni 3:3

Son bann sef i parey bann lyon ki pe kriye. Son bann ziz i parey bann loulou ki fer lasas aswar. Kan bomaten i fer, zot napa nanryen pour manze.

Deterononm 1:16

Alor, mon ti osi demann bann ziz: Ekout zot bann frer e ziz sakenn dapre lazistis, ki swa sitwayen oubyen rezidan etranze.

Deterononm 15:16

Me si ou lesklav i dir ou: Mon pa oule kit ou, akoz i kontan ou, ou fanmir ek ou bann serviter e ki i santi li byen kot ou,

Deterononm 15:17

alor, ou ava pran en pwenson, e ou ava pers son zorey kont montan laport; i ava ou lesklav pour touzour. Ou ava azir parey, osi anver ou lesklav fanm.

Deterononm 16:18

Ou ava nonm bann ziz ek bann mazistra dan sak tribi, dan tou zot bann lavil ki SENYER, ou Bondye pou donn ou. Zot ava ziz lepep dapre lazistis.

1 Samyel 1:22

Me Ann pa ti al avek li. I ti dir son mari, “Ler nou garson ava'n sevre, mon ava anmenn li e prezant li devan SENYER; i ava reste laba pour touzour.”

1 Samyel 27:12

Akis ti annan konfyans dan David, e i ti mazinen dan li menm: David in fer lennmi parmi son prop pep Izrael; e i reste mon zonm pour touzour.

1 Samyel 28:2

David ti reponn Akis, “Ou ti devre konnen sa ki mon devre fer.” Akis ti dir, “Mon pou fer ou vin mon gard personnel pour lavi.”