Egzod 20:12 - Labib An Kreol Seselwa

¹² Ou pou annan respe pour ou papa ek ou manman; konmsa, ou ava viv lontan lo sa later ki SENYER, ou Bondye i donn ou.

Egzod 20:12 ပူးပေါင်းရင်းမြစ်များ

Zenez 48:12

Zozef ti retir zot lo zenou son papa, e i ti prosternen ziska ater.

Zenez 50:12

Bann garson Zakob ti fer tousala pour zot papa, parey i ti'n ordonn zot.

1 Rwa 2:19

Alor, Batseba ti al kot Salomon pour koz an faver Adoniya. Lerwa ti leve pour al zwenn li e prosternen avek respe devan son manman. Apre, i ti asiz lo son tronn e fer poz en tronn lo son kote drwat; son manman ti asiz lo la.

2 Rwa 2:12

Elize ki ti pe gete, ti kriye, “Papa! Mon papa! Ou pli for ki Kales Izrael ek tou son bann kavalye!” Ler i ti nepli kapab war li ankor, i ti pran son prop lenz e desir an de.

Egzod 21:15

Sa enn ki tap son papa oubyen son manman ava ganny touye.

Egzod 21:17

Sa enn ki ensilte son papa oubyen son manman ava ganny touye.

Proverb 15:5

En fou i mepriz lenstriksyon son papa; me sa enn ki aksepte bann reprimann i pridan.

Proverb 17:6

Pti zanfan i fer loner bann vyeyar, e bann paran i fer loner zot zanfan.

Proverb 20:20

Sa enn ki modi son papa oubyen son manman, son lalanp pou tennyen ler fernwanr i fer.

Proverb 28:24

Sa enn ki depouy son papa ek son manman e ki dir: Sa pa en krim, i dalon avek en kaser lakaz.

Proverb 3:16

Lavi long i dan son lanmen drwat; larises ek loner i dan son lanmen gos.

Proverb 30:11

I annan en kalite dimoun ki modi zot papa e pa beni zot manman.

Proverb 30:17

Lizye ki mepriz en papa, e ki negliz obeir son manman, korbo obor larivyer, pour krev zot, piti en leg pour devor zot.

Zeremi 35:18

Zeremi ti dir avek klan bann Rekabit: La sa ki SENYER liniver, Bondye Izrael i deklare: Zot in obei lord zot zanset Yonadab; zot swiv tou son bann lenstriksyon e zot egzekit tou sa ki i ti ordonn zot.

Zeremi 35:7

Zot pa pou fer okenn lakaz, ni senmen, ni plant rezen, ni vin propriyeter en plantasyon rezen. Tou zot lavi, zot ava reste anba latant. Konmsa, zot ava kapab viv lontan dan sa pei kot zot pe reste parey bann etranze.

Ezekyel 22:7

Parmi zot, napa respe pour zot papa ek zot manman; bann etranze i ganny kraze avek lenzistis; bann orfelen ek bann vev i ganny eksplwate.

Levitik 19:3

Sakenn zot ava annan respe pour son manman ek son papa e zot ava obzerv mon bann saba. Mwan menm SENYER, zot Bondye.

Levitik 19:32

Ou ava lev debout devan en dimoun aze e respekte en vyeyar; ou ava annan respe pour ou Bondye. Mwan menm SENYER.

Malasi 1:6

SENYER liniver i dir avek bann pret: En zanfan, i obei son papa; en serviter, i respekte son met. Si mon en papa pour zot, oli loner ki mon merite? Si mon zot sef, akoz zot napa respe anver mwan, SENYER liniver i demann avek bann pret ki mepriz li. Me zot demande: Ki mannyer nou'n mepriz ou?

Matye 19:19

onor ou papa ek ou manman; kontan ou prosen parey ou kontan ou prop lekor.”

Mark 10:19

Ou konn bann komannman: Pa fer krim, pa komet adilter, pa vole, pa donn fo temwannyaz, pa fer ditor personn, annan respe pour ou papa ek ou manman.”

Mark 7:10

Moiz annefe, ti dir: Onor ou papa ek ou manman. E osi: Sa enn ki koz mal lo son papa, oubyen lo son manman, i devre ganny pini anmor.

Levanzil dapre Lik 18:20

Ou konn bann komannman: Pa komet adilter, pa fer krim, pa vole, pa vin donn fo temwannyaz, respekte ou papa ek ou manman.”

Efezyen 5:21

Par respe ki zot annan pour Kris, obei kanmarad.

Deterononm 11:8

Alor, obei tou sa bann komannman ki mon pe ordonn zot ozordi. Konmsa, zot ava ganny lafors pour travers larivyer Zourden e pran posesyon sa pei.

Deterononm 11:9

Konmsa, zot ava viv lontan dan sa pei ki SENYER ti fer serman avek zot zanset pour donn zot ek zot bann desandan; sa pei kot dile ek dimyel i koule.

Deterononm 21:18

Si en zonm i annan en garson dezobeisan e rebel ki pa obei ni son papa ni son manman, ki pa ekout zot ler zot koriz li;

Deterononm 25:15

Ou ava annan zis en pwa egzakt e onnet; ou ava annan zis en mezir egzakt e korek, pour ki ou viv lontan dan pei ki SENYER, ou Bondye pou donn ou.

Deterononm 27:16

Malediksyon lo sa enn ki dezonor son papa oubyen son manman. Lepep ava dir: Amenn!

Deterononm 32:47

Annefe, sa pa bann parol vid, me i zot lavi; par sa bann parol, zot ava viv lontan dan pei ki zot pe al pran posesyon, apre ki zot ava'n travers larivyer Zourden.

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.

Deterononm 4:40

Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

Deterononm 5:16

Respekte ou papa ek ou manman, parey SENYER, ou Bondye in ordonn ou. Konmsa, ou ava viv lontan e ere lo sa later ki SENYER, ou Bondye pou donn ou.

Deterononm 5:33

Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Kolosyen 3:20

Zanfan! Obei zot paran dan tou keksoz, akoz sa i fer plezir Senyer.

Rit 3:6

Alor, Rit ti desann kot Boaz ti pe bat son mai e i ti fer egzakteman sa ki son belmer ti'n rekomann li.

1 Samyel 22:3

David ti kit sa landrwa e al Mispa dan pei Moab. I ti dir avek lerwa Moab, “Mon demann ou pour les mon manman ek mon papa vin reste kot ou, ziska mon ki konnen sa ki Bondye pou fer avek mwan.”