Egzod 2:3 - Labib An Kreol Seselwa

³ Kan i ti nepli kapab kontinyen kasyet son pti baba, i ti pran en pannyen fer avek zon ki pous dan lanmar e kouver avek goudron. I ti met son pti baba ladan e depoz parmi bann fouzer zon obor larivyer Nil.

Egzod 2:3 ပူးပေါင်းရင်းမြစ်များ

Zenez 11:3

Zot ti dir ant zot: Annou fer bann brik kwi dan four. Alor, zot ti servi brik koman ros, e goudron koman mortye.

Zenez 14:10

Ti annan en kantite pwi goudron dan vale Sidim e kan bann lerwa Sodonm ek Gomor ti pe sove, zot ti tonm dan sa bann pwi. Bann sirvivan ti sov dan montanny.

Zenez 6:14

Ou ava fer en gro bato avek dibwa solid. Fer bann konpartiman ladan e kouver li, anndan deor, avek goudron.

Egzod 1:22

Alor, Faraon ti donn sa lord lepep antye, “Zot devre zet dan larivyer Nil, tou pti garson Izraelit ki ne; zot ava les viv tou bann pti fiy.”

Ezai 18:2

e ki anvoy bann anbasader par larivyer Nil, dan bann bato fer avek papiris. Ale! Zot bann mesaze rapid. Al kot en nasyon ki gran e ki annan lapo listre; kot en pep ki tou dimoun i per partou dan lemonn; kot en nasyon pwisan ki ganny laviktwar lo son lennmi; dan en pei ki ganny separe par larivyer.

Ezai 19:6

Delo dan bann brans larivyer Nil pou diminyen e vin sek, zot pou ganny enfekte; zon ek zerb lanmar pou pouri.

Ezai 35:7

Disab so pou transform an en lak e later ki swaf pou vin en rezyon ranpli avek sours delo. La kot bann zannimo sovaz ti abitye reste, banbou ek zon pou pouse.

Matye 2:13

Apre ki bann savan ti'n ale, en lanz Senyer ti aparet avek Zozef dan en rev. I ti dir li, “Leve! Pran sa zanfan ek son manman e sov Lezip. Reste laba, ziska ki mon donn ou lord retournen, akoz Herod pou rod sa zanfan pour fer touy li.”

Matye 2:16

Kan Herod ti realize ki sa bann savan ti'n zwe en trik avek li, i ti tre ankoler. I ti fer touy tou bann garson 2 an e mwens, dan Betlehenm e dan zalantour, dapre lepok ki sa bann savan ti'n dir li.

Akt de Zapot 7:19

Sa lerwa ti tronp nou pep, maltret nou zanset e obliz zot abandonn zot bann pti baba e les zot mor.