Egzod 18:20 - Labib An Kreol Seselwa

²⁰ Ansenny zot bann regleman ek bann lalwa; fer zot konn semen ki zot bezwen swiv, e sa ki zot devre fer.

Egzod 18:20 ပူးပေါင်းရင်းမြစ်များ

Psonm 143:8

Depi granmaten, anons mwan ou fidelite akoz mon fer ou konfyans. Fer mwan konnen ki semen mon devre swiv, akoz mon tourn ver ou.

Psonm 32:8

Mon pou ansenny ou. Mon pou montre ou ki semen ou pou swiv. Mon pou konsey ou; mon lizye pa pou kit ou.

Egzod 18:16

Kan zot annan en dispit, zot vin kot mwan pour rezoud. Mon ziz sa zafer ant sa de parti, e mon fer konn bann regleman Bondye ek son bann lalwa.”

Ezai 30:21

Ler ou pou al adrwat ou agos, ou pou antann en lavwa deryer ou: La semen; swiv li.

Zeremi 42:3

Demann SENYER ou Bondye kote nou devre ale e sa ki nou devre fer.”

Zeremi 6:16

La sa ki SENYER deklare: Aret en kou; plas ou lo krwaze semen; demande oli sa semen lontan, sa bon semen, swiv li e ou ava viv dan trankilite. Me zot in dir: Non! Nou pa pou swiv sa semen!

Ezekyel 3:17

Ou ki en imen, mon'n etabli ou koman en gardyen lo pep Izrael. Sak fwa ou antann en parol sorti dan mon labous, ou ava transmet pep Izrael mon lavertisman.

Mise 4:2

Plizyer nasyon pou vin la. Zot pou dir: Vini! Annou mont ver montanny SENYER, ver tanp Bondye Zakob. I ava fer nou konn son semen.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Mark 13:34

I pou parey en zonm ki pe al an vwayaz. I kit son lakaz e met son bann serviter ansarz. I donn sakenn son louvraz; i donn lord gardyen pour vey laport.

Deterononm 1:18

Sanmenm sa ki mon ti ordonn zot fer.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 4:5

Gete! Parey SENYER mon Bondye in ordonn mwan, mon'n ansenny zot bann regleman ek bann lalwa, pour ki zot obzerv zot dan pei kot zot pe ale pour pran posesyon.

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.

Deterononm 5:27

Aprose ou menm, ekout tou sa ki SENYER, nou Bondye i annan pour dir. Apre, ou ava dir nou tou sa ki SENYER, nou Bondye ava'n dir ou. Alor, nou ava ekoute e met an pratik.

Deterononm 7:11

Alor, obzerv byen bann komannman, bann regleman ek bann lalwa ki mon ordonn ou ozordi.

1 Tesalonisyen 4:1

Anfen, mon bann frer ek ser! Zot in aprann avek nou, koman zot devre konport zot pour fer plezir Bondye. Zot pe fer li deza; me esey fer pli byen ankor.

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.