Egzod 16:34 - Labib An Kreol Seselwa

³⁴ Parey SENYER ti'n ordonnen avek Moiz, Aaron ti plas sa po lamann devan bann plak Temwannyaz pour ki i ganny konserve.

Egzod 16:34 ပူးပေါင်းရင်းမြစ်များ

1 Rwa 8:9

Dan Kof Lalyans, ti annan zis sa de plak ros ki Moiz ti met ladan depi montanny Horeb, kot SENYER ti fer lalyans avek pep Izrael, ler zot ti sorti Lezip.

Egzod 25:16

Ou ava met dan Kof Lalyans, plak temwannyaz ki mon pou donn ou.

Egzod 25:21

Ou ava met sa plak kouvertir lo Kof Lalyans e ou ava met dan Kof, temwannyaz ki mon pou donn ou.

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Egzod 30:36

Ou ava kraz li e fer li vin anpoud e met li devan Kof Lalyans, dan Latant Rankont, la kot mon pour rankontre ou. Sa i devre en keksoz tre sakre pour zot.

Egzod 30:6

Ou ava plas sa lotel devan rido ki maske Kof Lalyans, anfas avek kouvertir sakre ki lo Kof, la kot mon pou rankontre ou.

Egzod 31:18

Apre ki i ti'n fini koz avek Moiz lo montanny Sinai, Bondye ti donn li sa de plak an ros, bann komannman ki i ti'n ekri avek son ledwa.

Egzod 38:21

La lalis bann depans pour sanktyer, demer temwannyaz, ki ti ganny etabli lo lord Moiz, par bann levit, anba direksyon Itamar, garson pret Aaron.

Egzod 40:20

Moiz ti pran plak ros lalyans e met dan Kof Lalyans; i ti met bann bar lo Kof e plas kouvertir lo Kof Lalyans.

Nonm 1:50

Plito apwent zot pour pran ansarz Latant Temwannyaz e lo tou son bann lobze ek tou lezot propriyete Latant. Zot bezwen pran swen avek Latant e otour kan.

Nonm 1:53

Me bann levit ava pik zot latant toultour Latant Temwannyaz pour anpes maler tonm lo bann Izraelit. Bann levit i responsab pour pran swen avek Latant Temwannyaz.”

Nonm 17:10

SENYER ti dir Moiz: Pran baton Aaron e remet li devan Kof Lalyans. I ava en lavertisman pour bann rebel, pour ki zot aret fer konplent kont mwan, sankwa zot pou mor.

Deterononm 10:5

Alor, mon ti vire e desann montanny. Mon ti met sa de plak ros dan kof ki mon ti'n fer. Zot ti reste la, parey SENYER ti'n ordonn mwan.