Egzod 16:20 - Labib An Kreol Seselwa

²⁰ Me serten pa ti ekout Moiz: Ti annan ki ti gard en pe pour lannmen, me i ti ganny lever ladan e ti santi pouri. Alor Moiz ti ankoler kont zot.

Egzod 16:20 ပူးပေါင်းရင်းမြစ်များ

Egzod 16:19

Moiz ti dir zot, “Fodre pa ki personn i gard lamann ziska bomaten.”

Egzod 16:21

Tou le bomaten, sakenn ti anmas sa ki ti neseser. Ler soley ti monte, sa ki ti reste ti fonn avek lasaler.

Egzod 16:24

Alor, zot ti gard tou ziska lannmen bomaten, parey Moiz ti'n ordonn zot. Nanryen pa ti gate ni ganny lever.

Nonm 12:3

Moiz ti en zonm avek bokou limilite, plis ki nenport ki zonm lo later.

Nonm 16:15

Moiz ti tre ankoler. I ti dir SENYER, “Pa aksepte zot lofrann. Mon pa'n fer zot okenn ditor; mon pa'n ni menm pran en bourik pour zot.”

Matye 6:19

Pa anmas zot larises lo later, kot i ganny detri par lever ek larouy, kot voler i kas lakaz pour vole.

Mark 10:14

Kan Zezi ti war sa, i pa ti kontan. I ti dir avek son bann disip, “Les bann zanfan vin kot mwan, pa anpes zot, akoz Rwayonm Bondye i pour sa bann ki resanble zot.

Mark 3:5

Alor, Zezi ti get zot avek lakoler. I ti vreman sagren pour war zot leker dir. I ti dir avek sa zonm, “Dres ou lanmen.” Sa zonm ti dres son lanmen e deswit, son lanmen ti geri.

Levanzil dapre Lik 12:15

Alor i ti dir zot, “Fer atansyon lanmour pour larises, akoz lavi en zonm pa depann zis lo son larises.”

Levanzil dapre Lik 12:33

Vann tou sa ki zot posede e donn sa larzan bann pov. Fer bann portmonnen ki pa ize, e anmas zot larises dan lesyel, kot voler pa kapab aprose, e kot karya pa kapab detri.

Efezyen 4:26

Si zot pran lakoler, fer atansyon pour zot pa tonm dan pese, e fer atansyon pa les zot lakoler dire ziska aswar.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.