Egzod 12:16 - Labib An Kreol Seselwa

¹⁶ Premye zour, i ava annan en lasanble sakre; setyenm zour, i ava annan en lasanble sakre pour zot. Personn pa devre fer okenn travay pandan sa bann zour, eksepte pour prepar zot manze.

Egzod 12:16 ပူးပေါင်းရင်းမြစ်များ

Egzod 16:23

ki ti dir zot, “SENYER in donn lord: Demen i saba, en zour repo konsakre pour SENYER. Zot ava kwi sa ki fodre kwi e bwi sa ki fodre bwi. Tou sa ki reste, gard li pour lannmen bomaten.”

Egzod 16:29

Gete! SENYER in donn zot saba; sizyenm zour in donn zot dekwa manze pour de zour. Setyenm zour, sakenn ava reste se li; personn pa devre sorti.”

Egzod 16:5

Sizyenm zour, ler zot ava'n prepar sa ki zot ava ranmase, zot porsyon tou le zour ava double.”

Egzod 20:10

Me setyenm zour i saba rezerve pour SENYER, ou Bondye. Sa zour, ou pa pou fer okenn travay, ni ou, ni ou garson, ni ou fiy, ni ou serviter, ni ou servant, ni ou bann zannimo, ni okenn etranze ki reste dan ou bann lavil.

Egzod 34:18

Ou ava obzerv lafet dipen san lelven. Pandan set zour, dan moman fikse, dan mwan bann zepi, ou ava manz dipen san lelven, parey mon ti ordonn ou, akoz ti pandan mwan bann zepi ki ou ti sorti Lezip.

Ezai 1:13

Aret anmenn bann lofrann i initil. Loder lansan i degoutan. Mon nepli kapab siport zot bann lafet nouvellin; bann saba e bann konvokasyon solannel ki melanze avek mesanste.

Levitik 23:21

Sa menm zour, zot ava konvok en lasanble sakre; zot pa pou fer okenn travay ordiner. Sa i en regleman pour touzour, pour tou bann zenerasyon, la kot zot ava pe reste.

Levitik 23:27

Dizyenm zour, setyenm mwan, i zour rityel pardon pese. I ava annan en rasanbleman sakre. Zot ava zennen e ofer SENYER bann lofrann brile par dife.

Levitik 23:35

Premye zour, pou annan en rasanbleman sakre; zot pa pou fer okenn travay ordiner.

Nonm 28:18

Son premye zour, zot ava fer en rasanbleman sakre: Sa zour, zot pa pou fer okenn travay.

Nonm 28:25

Setyenm zour, ou ava konvok en lasanble spirityel. Zot pa pou fer okenn travay sa zour.

Nonm 28:26

Zour ki ou prezant lofrann premye rekolt sereal devan SENYER, konvok en rasanbleman sakre. Zot pa pou fer okenn travay sa zour.

Nonm 29:1

Premye zour, setyenm mwan, zot ava fer en rasanbleman sakre. Zot pa pou travay sa zour. I ava en zour lafet.

Nonm 29:12

Kenzyenm zour dan setyenm mwan, konvok en rasanbleman sakre e selebre en lafet an loner SENYER pandan set zour. Zot pa devre travay sa zour.

Levanzil dapre Zan 19:31

Ti zour preparasyon saba. Alor, bann Zwif ti demann Pilat pour fer kas lazanm bann zonm lo lakrwa, e fer desann bann lekor, pour ki zot pa reste lo lakrwa zour saba. Annefe sa saba ti en gran zour.

Deterononm 16:8

Pandan sis zour, ou ava manz dipen san lelven; son setyenm zour i ava annan en gran rasanbleman solannel an loner SENYER, ou Bondye. Ou pa devre travay sa zour.