Egzod 12:12 - Labib An Kreol Seselwa

¹² Sa swar, mon pou travers Lezip e mon pou touy tou premye ne dan Lezip, dimoun koman zannimo. Mon pou egzekit zizman lo bann bondye Ezipsyen: Mwan menm SENYER.

Egzod 12:12 ပူးပေါင်းရင်းမြစ်များ

1 Kronik 14:12

Bann Filisten ti abandonn zot bondye la e David ti donn lord zet zot dan dife.

Psonm 135:8

Dan Lezip, i ti touy tou bann premye ne, dimoun koman zannimo.

Psonm 82:1

Bondye i pran son plas dan lasanble bann bondye dan lesyel. I ziz zot:

Psonm 82:6

Mon deklare: Zot bann bondye, zot tou, zot garson Bondye Treo.

Psonm 91:7

Mil i kapab tonbe akote ou, dis mil lo ou kote drwat; me nanryen pa pou ariv ou.

Psonm 95:3

SENYER i en gran Bondye; i en gran Lerwa par lao tou bann bondye.

Egzod 12:23

SENYER pou pase pour touy bann Ezipsyen. Kan i ava war sa disan lo lento e lo poto laport, SENYER pou sot sa lakaz; i pa pou les sa fleo antre kot zot.

Egzod 18:11

Aprezan, mon konnen ki SENYER i pli gran ki tou bann bondye, akoz in delivre son pep dan lanmen bann Ezipsyen ki ti pe maltret zot avek larogans.”

Egzod 21:6

alor, son met ava anmenn li devan Bondye. I ava anmenn li kot montan laport e i ava pers son zorey avek en pwenson. Sa zonm ava vin son lesklav pour lavi.

Egzod 22:28

Ou pa pou ensilte Bondye, ni maltret en dirizan ou pep.

Egzod 6:2

Bondye ti dir Moiz, “Mwan menm SENYER.

Egzod 9:6

Lannmen, SENYER ti fer arive sa ki i ti'n dir: Tou troupo bann Ezipsyen ti mor, me dan troupo bann Izraelit, ti napa en sel zannimo ki ti mor.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Zeremi 43:12

Naboukodonozor pou met dife avek bann stati ki dan tanp Lezip; i pou bril sa bann stati, e anmenn zot Babilonn. Parey en berze i tir pis dan son lenz, i pou netway Lezip e personn pa pou oze met lanmen lo li.

Zeremi 43:13

I pou osi detri bann moniman an pyer ki Heliopolis, dan pei Lezip; e i pou bril tanp bann bondye Ezipsyen.

Zeremi 46:25

La sa ki SENYER liniver, Bondye Izrael i deklare: Mon pou pini Amonn, bondye lavil Teb. Mon pou osi pini Faraon ek tou Lezip antye, son bann bondye e son bann lerwa. Wi! Mon pou pini Faraon e tou sa bann dimoun ki met zot konfyans dan li.

Ezekyel 12:16

Me mon pou eparny en pe zonm parmi zot ki pou sape dan lager, lafanmin ek lepidemi, pour ki zot rakont partou dan pei kot zot ale, tou zot bann pratik degoutan ki zot in komet. Alor, bann zabitan ava konnen ki mwan menm SENYER.

Amos 5:17

Dan tou bann plantasyon rezen, ou pou antann zis kantik dey. Tousala pou arive, akoz mon pe vin pini zot. SENYER ki deklare.

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Nonm 33:4

ki ti pe anter bann premye ne ki SENYER ti'n touye. SENYER ti egzekit son bann zizman kont bann bondye Lezip.

1 Samyel 5:3

Kan bann zabitan Asdod ti leve lannmen granmaten, zot ti war Dagon lafas ater devan Kof SENYER. Zot ti pran Dagon e remet li dan son plas.

1 Samyel 6:5

Fer bann reprezantasyon zot bann boubou, ek reprezantasyon zot bann souri ki devaste pei; rann glwar Bondye Izrael. Kekfwa i ava mwen sever anver zot, anver zot bondye, e anver zot pei.