Egzod 12:10 - Labib An Kreol Seselwa

¹⁰ Zot pa pou les nanryen reste ziska bomaten. Sa ki ava reste bomaten, i devre ganny brile.

Egzod 12:10 ပူးပေါင်းရင်းမြစ်များ

Egzod 16:19

Moiz ti dir zot, “Fodre pa ki personn i gard lamann ziska bomaten.”

Egzod 23:18

Ou pa pou ofer disan mon sakrifis avek dipen kwi avek lelven, ni les lagres mon sakrifis reste ziska lannmen bomaten.

Egzod 29:34

Si lannmen bomaten, i reste okenn lavyann oubyen dipen ki'n servi pandan sa seremoni, ou ava brile dan dife, tou sa ki'n reste. Fodre pa manz li, akoz i sakre.

Egzod 34:25

Ou pa pou ofer disan en sakrifis avek lelven e ou pa pou les lavyann sakrifis lapannkot reste ziska lannmen bomaten.

Levitik 19:6

Sa lofrann ava ganny manze son menm zour, oubyen son lannmen ki i'n ganny ofer; tou sa ki reste trwazyenm zour ava ganny brile.

Levitik 22:30

I ava ganny manze menm zour; ou pa pou les okenn restan ziska bomaten. Mwan menm SENYER.

Nonm 9:12

Pa les nanryen reste pour lannmen bomaten; les son karkas antye e pa kas okenn lezo; zot bezwen fer dapre bann lareg konsernan lafet Pak.